کل بدھ کے روز امریکی صدر جو بائیڈن نے اپنے یقین کا اعادہ کیا کہ اسرائیل کو اپنے شہریوں کے دفاع کے حق ہے، لیکن ساتھ ہی، انہوں نے "غزہ میں بے گناہ شہریوں کو تحفظ فراہم کرنے کی ضرورت کی طرف اشارہ کیا جو اسرائیل اور حماس کے درمیان تنازعہ کا شکار ہیں۔"
علاوہ ازیں بائیڈن نے آسٹریلیا کے وزیر اعظم انتھونی البانیزی کے ساتھ مشترکہ پریس کانفرنس کے دوران موجودہ تنازعہ کے پرسکون ہونے کے بعد دو ریاستی حل کے مطالبے کی بھی تجدید کی۔
انہوں نے زور دیا کہ "اسرائیل اور فلسطینیوں کے درمیان 6 اکتوبر سے پہلے جو صورت حال قائم تھی اس کی واپسی نہیں ہو سکتی۔" امریکی صدر نے کہا: "میں مغربی کنارے میں فلسطینیوں پر آباد کاروں کے حملوں پر پریشان محسوس کر رہا تھا۔"
انہوں نے مزید کہا: "فلسطینیوں پر ان کے زیر قبضہ مقامات پر انتہا پسند آباد کاروں کی جانب سے حملے بند ہونے چاہئیں۔"
انہوں نے اسرائیل سے مطالبہ کیا کہ وہ جنگ کے قوانین پر عمل کرے اور معصوم شہریوں کے تحفظ کے لیے ہر ممکن کوشش کرے۔ انہوں نے کہا: "ہمیں یاد رکھنا چاہیے کہ (حماس) فلسطینی عوام کی اکثریت کی نمائندگی نہیں کرتی اور عام شہریوں کے پیچھے چھپ جاتی ہے۔"
جمعرات-11 ربیع الثاني 1445ہجری، 26 اکتوبر 2023، شمارہ نمبر[16403]
