اسرائیل کے فوجی ترجمان اویکائی ادرعی نے کہا ہے کہ ان کی فوج غزہ کی پٹی میں زمینی کارروائی شروع کرنے کے لیے فوجی ساز و سامان کی آمد کا انتظار کر رہی ہے۔
ادرعی نے کل بدھ کے روز "عرب ورلڈ نیوز ایجنسی" کے ساتھ بات کرتے ہوئے مزید کہا: "جیسا کہ اسرائیلی آرمی چیف آف اسٹاف نے کہا: فوج جنگ کے اگلے مرحلے کو شروع کرنے کے لیے تیار ہے، جو کہ زمینی کاروائی ہے، لیکن جنگ کے پہلے مرحلے سے دوسرے مرحلے میں جانے کے لیے سیاسی ہدایات کا موصول ہونا ضروری ہے۔"
آج اسرائیل غزہ پر اپنی جنگ کے انیسویں روز میں داخل ہو گیا ہے اور صرف 19 دنوں میں غزہ پر اسرائیلی حملوں میں 2704 بچوں سمیت 6000 سے زائد فلسطینی ہلاک ہو چکے ہیں۔
یاد رہے کہ "حماس" نے 7 اکتوبر کو غزہ کی پٹی سے ملحقہ اسرائیلی فوجی مقامات اور رہائشی علاقوں پر حملہ کیا، جس میں 1400 افراد ہلاک اور تقریباً 200 افراد کو اغوا کر لیا گیا تھا۔
اسرائیل کے فوجی ترجمان نے وضاحت کی کہ غزہ میں زمینی کارروائی میں تاخیر کی وجہ "حکمت عملی اور محرکات ہیں، جن میں - مثال کے طور پر - بعض فوجی سازوسامان کی آمد، فوجی منصوبوں میں تبدیلی، یا بعض معاملات پر تربیت شامل ہیں" (...)
جمعرات-11 ربیع الثاني 1445ہجری، 26 اکتوبر 2023، شمارہ نمبر[16403]
