عرب لیگ کے اسسٹنٹ سیکرٹری جنرل سفیر حسام زکی نے کہا ہے کہ عرب وزرائے خارجہ کا اجلاس اچھے، پرسکون اور مثبت ماحول میں ہوا، جس میں جمعہ کے روز ہونے والی عرب سربراہی کانفرنس میں پیش کئے جانے والے تمام فیصلوں پر کافی حد تک باہمی اتفاق پائے جانے کے سبب یہ اجلاس زیادہ دیر تک جاری نہیں رہا۔انہوں نے نشاندہی کی کہ اجلاس میں زیر غور آنے والے امور میں زیادہ تر سیاسی مسائل سے متعلق تھے، جو مسئلہ فلسطین، بحران زدہ علاقوں کی صورت حال میں پیش رفت اور عرب ممالک کے معاملات میں غیر ملکی مداخلت سے متعلق تھے۔ انہوں نے نشاندہی کی کونسل کی طرف سے پیش کردہ فیصلے اقتصادی اور سماجی شعبوں سے متعلق ہیں۔ انہوں نے مزید کہا کہ عرب سربراہی اجلاس میں جن امور کا جائزہ لیا جائے گا "وہ ایسے فیصلے ہیں جو عرب ممالک کے سیاسی، معاشی اور سماجی امور سے متعلق ہیں۔" انہوں نے امید ظاہر کی کہ یہ کانفرنس مشترکہ عرب عمل کے لیے ایک محرک ثابت ہوگی اور موجود تنازعات کو حل کرنے اور ان کے اثرات کو کم کرنے میں مدد ملے گی۔ (۔۔۔)
جمعرات - 28 شوال 1444 ہجری ۔ 18 مئی 2023ء شمارہ نمبر [16242]
