سعودی عرب اور ریاست ہائے متحدہ امریکہ نے سوڈان میں تنازعہ کے فریقین سے مطالبہ کیا ہے کہ وہ ایک نئی جنگ بندی تک پہنچنے کے لیے مذاکرات کی میز پر واپس آئیں۔ دونوں ممالک نے متصادم فریقین، فوج اور "کوئیک سپورٹ فورسز" پر زور دیا ہے کہ وہ انسانی بنیادوں پر انتظامات کی پاسداری کریں اور جدہ مذاکرات دوبارہ شروع کرنے کے لیے اپنی آمادگی ظاہر کریں۔
بدھ کے روز سوڈانی فوج نے "کوئیک سپورٹ فورسز" پر سابقہ جنگ بندی کی شرائط کی پاسداری نہ کرنے کا الزام لگاتے ہوئے ان کے ساتھ بات چیت معطل کرنے کا اعلان کیا اور سعودی-امریکی ثالثی سے مطالبہ کیا کہ وہ "کوئیک سپورٹ فورسز" کو اپنی ذمہ داریوں کو پورا کرنے کے لیے دوبارہ مذاکرات کی طرف واپس لانے کے لیے قائل کریں۔
اتوار کے روز "سعودی پریس ایجنسی (SPA)" کی طرف سے شائع ہونے والے ایک بیان میں کہا گیا ہے کہ مذاکرات کی معطلی اور 5 روزہ جنگ بندی کے خاتمے کے باوجود فوج اور "کوئیک سپورٹ فورسز" کے وفود ابھی بھی جدہ میں موجود ہیں۔" بیان میں کہا گیا ہے کہ "سہولت کار (سعودی عرب اور امریکہ) دوبارہ باضابطہ بات چیت شروع کرنے کے لیے تیار ہیں،" اور وہ "فریقین سے ایک نئی جنگ بندی پر اتفاق کرنے اور فوجی کارروائیوں کے مستقل خاتمے کے ہدف کے ساتھ اسے مؤثر طریقے سے نافذ کرنے کا مطالبہ کر رہے ہیں۔" (...)
پیر - 16 ذوالقعدہ 1444 ہجری - 05 جون 2023ء شمارہ نمبر [16260]
