عراق کے صوبے کردستان میں مسعود بارزانی کی قیادت میں "کردستان ڈیموکریٹک پارٹی" اور باول طالبانی کی سربراہی میں "کردستان پیٹریاٹک یونین" کے ایک دوسرے پر غداری تک کے الزامات کے تبادلے کے بعد کل پیر کے روز اربیل میں اعلان کیا گیا کہ ان کی قیادتوں کی سربراہی میں اجلاس منعقد کیا جائے گا۔
اور یہ ایک ایسے وقت میں ہے کہ جب سیاسی حلقے اس دو جماعتوں کے اجلاس کے نتائج کے منتظر ہیں۔ جب کہ ایک مختصر بیان میں بتایا گیا ہے کہ ملاقات میں دونوں جماعتوں کے سیاسی بیورو کے اہم رہنماؤں نے شرکت کی، جن میں "کردستان ڈیموکریٹک پارٹی" کے فاضل میرانی، سیداد بارزانی، ہوشیار زیباری، فواد حسین اور محمود محمد شامل ہوئے، جب کہ "پیٹریاٹک یونین" سے باول طالبانی، قباد طالبانی اور شیخ جعفر نے شرکت کی۔ کرد خبر رساں ایجنسیوں کے مطابق، اس اجلاس میں صوبے میں پارلیمانی انتخابات اور بغداد کی وفاقی حکومت کے ساتھ تعلقات کے علاوہ دوطرفہ تعلقات پر بھی تبادلہ خیال کیا گیا۔
یاد رہے کہ دونوں جماعتوں کے مابین، وفاقی پارلیمنٹ میں عراق کے لیے مالیاتی بجٹ کی منظوری کے بعد سے شدید اختلافات پیدا ہوگئے تھے، جو کہ ایک دوسرے پر غداری کے الزامات تک پہنچ چکے تھے۔ اسی طرح کردستان کی پارلیمنٹ کے کام کو مزید ایک سال تک بڑھانے کے غیر آئینی ہونے کے بارے میں وفاقی عدالت کا فیصلہ بھی تنازعہ میں شدت کا باعث بنا۔ دوسری جانب "ڈیموکریٹ" پارٹی نے صوبے میں سال کے آخر میں پارلیمانی انتخابات کے ہونے تک مسعود بارزانی کے بیٹے مسرور بارزانی کی سربراہی میں حالیہ حکومت کو نگراں حکومت میں تبدیل کرنے کو ایک دھچکا شمار کیا۔ (...)
منگل-09ذوالحج 1444 ہجری، 27 جون 2023، شمارہ نمبر[16282]
