سوڈانی فوج نے ام درمان شہر کے مختلف علاقوں اور بحری خرطوم میں دریائے نیل کے مشرقی علاقوں میں "ریپڈ سپورٹ" فورسز کے مراکز کو نشانہ بناتے ہوئے فضائی حملے کیے۔ جب کہ شمالی کردوفان ریاست کے دارالحکومت الابیض شہر میں کئی دنوں کی پرتشدد جھڑپوں کے بعد دوبارہ امن ہوگیا ہے۔
سوڈان میں جاری جنگ میں ایک قابل ذکر پیش رفت کے دوران "ریپڈ سپورٹ فورسز" نے کل جمعرات کے روز اعلان کیا کہ سوڈانی فوج میں کرنل کے عہدے پر فائز ایک اعلیٰ افسر نے متعدد افراد کے ہمراہ ان کی فورسز میں شمولیت اختیار کر لی ہے۔ جب کہ سوڈانی فوج نے مذکورہ افسر کے حوالے سے کوئی تبصرہ یا ردعمل جاری نہیں کیا۔
مقامی ذرائع نے "الشرق الاوسط" کو بتایا کہ سوڈانی فوج کے جنگی طیاروں نے دارالحکومت خرطوم کے دوسرے بڑے شہر ام دُرمان کے بعض مقامات پر بمباری کی۔ ذرائع نے مزید کہا: "ہم نے وقفے وقفے سے توپ خانے یا گولہ باری کی آوازیں سنیں، لیکن زمین پر کوئی جھڑپیں نہیں ہوئیں۔"
عینی شاہدین نے بتایا کہ فوج کے طیاروں نے "مشرقی نیل" کے نواحی علاقوں میں پے در پے فضائی حملے کیے، جس سے امکان ہے کہ اس نے "ریپڈ سپورٹ" فورسز کے گروپوں کی نقل و حرکت اور تنصیبات کو نشانہ بنایا، جو ان علاقوں میں کثرت سے پھیلی ہوئی ہے۔(...)
جمعہ 19 ذی الحج 1444 ہجری - 07 جولائی 2023ء شمارہ نمبر [16292]
