آئی جی اے ڈی (ایگاد) کا سوڈان میں جنگ بندی کا مطالبہ اور حکومتی وفد کی جانب سے اجلاس کا بائیکاٹ

17 مئی 2023 کو سوڈانی شہر ام درمان کے ایک بازار میں کالے دھوئیں کے بادل اٹھنے کی ایک فضائی تصویر (رائٹرز)
17 مئی 2023 کو سوڈانی شہر ام درمان کے ایک بازار میں کالے دھوئیں کے بادل اٹھنے کی ایک فضائی تصویر (رائٹرز)
TT

آئی جی اے ڈی (ایگاد) کا سوڈان میں جنگ بندی کا مطالبہ اور حکومتی وفد کی جانب سے اجلاس کا بائیکاٹ

17 مئی 2023 کو سوڈانی شہر ام درمان کے ایک بازار میں کالے دھوئیں کے بادل اٹھنے کی ایک فضائی تصویر (رائٹرز)
17 مئی 2023 کو سوڈانی شہر ام درمان کے ایک بازار میں کالے دھوئیں کے بادل اٹھنے کی ایک فضائی تصویر (رائٹرز)

کل سوڈانی بحران کے حل سے متعلق حکومتی تنظیم برائے ترقیIGAD) )کی چار رکنی کمیٹی کے اجلاس کے حتمی بیان میں سوڈانی فریقوں سے فوری طور پر تشدد بند کرنے اور غیر مشروط جنگ بندی کے معاہدے پر دستخط کرنے کا مطالبہ کیا گیا۔

سوڈان کے بحران پر تبادلہ خیال کے لیے ایتھوپیا کے دارالحکومت ادیس ابابا میں منعقدہ کمیٹی کے بیان میں کہا گیا: "ہم تمام فریقوں سے پرزور مطالبہ کرتے ہیں کہ وہ فوری طور پر تشدد بند کریں اور ایک مؤثر نفاذ اور نگرانی کے طریقہ کار پر اتفاق کے ذریعے دشمنانہ کاروائیوں کو ختم کرتے ہوئے غیر مشروط جنگ بندی پر دستخط کریں۔

بیان میں مزید کہا گیا کہ کمیٹی نے فیصلہ کیا ہے کہ "متحارب فریقوں کے رہنماؤں کے درمیان براہ راست ملاقات کے لیے تمام متعلقہ فریقوں کی کوششوں کو متحرک کیا جائے گا"، اور نشاندہی کی گئی کہ "ایگاد IGAD) )" اس کے حصول کے لیے فوری طور پر افریقی یونین کے ساتھ ہم آہنگی کا آغاز کرے گی۔

علاوہ ازیں بیان میں ثالثی کرنے والے ممالک کی جانب سے سوڈانی بحران کے ہمسایہ ممالک پر نسلی تعصب کی صورت اختیار کرنے پر تشویش کا اظہار کیا گیا جب کہ پڑوسی ممالک کی جانب سے جنگ سے فرار ہونے والے پناہ گزینوں کا خیرمقدم کیے جانے پر ان کے کردار کی ستائش کی۔ (...)

منگل-23 ذوالحج 1444 ہجری، 11 جولائی 2023، شمارہ نمبر[16296]

 



کویتی حکومت نے پارلیمنٹ کا بائیکاٹ کر دیا

کویتی قومی اسمبلی (پارلیمنٹ)...(کونا)
کویتی قومی اسمبلی (پارلیمنٹ)...(کونا)
TT

کویتی حکومت نے پارلیمنٹ کا بائیکاٹ کر دیا

کویتی قومی اسمبلی (پارلیمنٹ)...(کونا)
کویتی قومی اسمبلی (پارلیمنٹ)...(کونا)

کل بدھ کے روز کویت میں سیاسی بحران کے آثار نمودار ہوئے، جنہیں اس نئے امیری دور میں پہلی بار دیکھا گیا، جب امیر کویت کے خطاب کے جواب میں بحث کے دوران ایک نمائندے کی طرف سے کی جانے والی مضمر "توہین" کے خلاف حکومت احتجاج کرتے ہوئے پارلیمانی اجلاس میں شرکت سے غائب رہی۔

قومی اسمبلی کے اسپیکر احمد السعدون کی جانب سے رکن پارلیمنٹ عبدالکریم الکندری کی مداخلت کو پارلیمنٹ سے منسوخ کرنے کے مطالبے کے بعد، نمائندوں کی اکثریت نے (44 ووٹوں کے ساتھ) الکندری کی مداخلت کو منسوخ نہ کرنے کے حق میں ووٹ دیا۔ منسوخی کا مطالبہ کرنے والوں نے مداخلت کو امیر کی ذاتی توہین سے تعبیر کیا، جو آئین کی خلاف ورزی ہے۔

حکومت نے پارلیمنٹ کی کاروائی پر اعتراض کرتے ہوئے کل اجلاس کا بائیکاٹ کیا، لیکن یہ معلوم نہیں ہوسکا کہ یہ بائیکاٹ آگے بھی جاری رہے گا یا صرف اسی اجلاس تک محدود تھا۔ قومی اسمبلی کے اسپیکر احمد السعدون نے حکومت کی عدم شرکت کے باعث کل کا اجلاس 5 مارچ تک ملتوی کر دیا ہے۔

جمعرات-05 شعبان 1445ہجری، 15 فروری 2024، شمارہ نمبر[16515]