عربي English Türkçe اردو فارسى
Logo
تازہ ترین
خبريں عرب دنیا

اردگان، عباس اور ہنیہ کو ملا رہے ہیں

بدھ کے روز انقرہ میں اردگان، عباس اور ہنیہ کے اجلاس کی ترک صدارت میں ایک یادگاری تصویر (ترک ایوان صدر)
بدھ کے روز انقرہ میں اردگان، عباس اور ہنیہ کے اجلاس کی ترک صدارت میں ایک یادگاری تصویر (ترک ایوان صدر)
TT
TT

اردگان، عباس اور ہنیہ کو ملا رہے ہیں

بدھ کے روز انقرہ میں اردگان، عباس اور ہنیہ کے اجلاس کی ترک صدارت میں ایک یادگاری تصویر (ترک ایوان صدر)
بدھ کے روز انقرہ میں اردگان، عباس اور ہنیہ کے اجلاس کی ترک صدارت میں ایک یادگاری تصویر (ترک ایوان صدر)

بدھ کے روز انقرہ میں ترک ایوان صدر میں سہ فریقی اجلاس ہوا جس میں ترک صدر رجب طیب اردگان، فلسطینی اتھارٹی کے صدر محمود عباس اور "حماس" کے سیاسی بیورو کے سربراہ اسماعیل ہنیہ نے شرکت کی۔

ذرائع نے "الشرق الاوسط" کو انکشاف کیا کہ اس اجلاس میں بنیادی طور پر 29 اور 30 ​​جولائی کو قاہرہ میں ہونے والی فلسطینی دھڑوں کے سیکرٹریوں کی ملاقات اور فلسطینیوں کے درمیان مذاکرات کو کامیاب بنانے کے لیے کام کرنے پر توجہ مرکوز کی گئی۔

یاد رہے کہ یہ انقرہ کی ملاقات جولائی 2022 میں الجزائر میں فلسطینی صدر محمود عباس کی "حماس" کی قیادت اسماعیل ہنیہ کے ساتھ ہونے والی ملاقات کے بعد پہلی ملاقات ہے۔

فرانسیسی پریس ایجنسی نے فلسطینی ایوان صدر کے ایک اہلکار کے حوالے سے بتایا کہ عباس نے "حماس اور اسلامی جہاد موومنٹ سمیت تمام فلسطینی دھڑوں کے رہنماؤں کو اجلاس میں شرکت کی دعوت دی" جو اتوار کے روز قاہرہ میں طے ہے۔ اہلکار نے مزید کہا کہ اس ملاقات میں "فلسطینی عوام کے خلاف انتہا پسند اسرائیلی حکومت کی طرف سے کی جانے والی جارحیت کا مقابلہ کرنے اور فلسطینی اتحاد کو مضبوط کرنے کے طریقوں پر تبادلہ خیال کیا جائے گا۔"

 

جمعرات-09محرم الحرام 1445ہجری، 27 جولائی 2023، شمارہ نمبر[16212]

عنوانات
تركيا فلسطين

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل