لبنان کی تاریخ سیاسی اور فرقہ وارانہ تنازعات سے بھری ہے، جس میں 1920 میں عظیم لبنان کے قیام کے بعد سے تنوع اور متعدد فرقوں اور ثقافتوں کے حامل اس ملک کو بہت کم سالوں تک استحکام نصیب ہوا۔ اس لیے بعض ذہنوں میں ہر اہم مرحلے پر وفاقیت کی تجاویز اور بعض اوقات تقسیم کے خیالات جاگتے ہیں جو ہر فرقے کو دوسرےت سے مغلوب ہوئے بغیر خودمختار حکومت کرنے کا موقع فراہم کرتے ہیں۔
حالیہ برسوں میں سیاسی تقسیم کے عروج پر، جس نے اکثر اوقات فرقہ وارانہ جہت اختیار کی، مسیحی جزو کے اندر سے وفاقیت کے مطالبے کی آوازیں اٹھنے لگیں، "تاکہ باقی رہ جانے والے عیسائی لوگ ہجرت نہ کریں، یا دوسرے فرقوں میں تحلیل نہ ہو جائیں۔" اس تجویز کے بہت سے نقطہ نظر ہیں، جیسا کہ کیلیفورنیا کی کلیرمونٹ یونیورسٹی میں شعبہ علوم سیاسیات کے پروفیسر ڈاکٹر ہشام بو ناصف کا کہنا ہے کہ "جنگوں اور سامراج سے دور فرقوں کے درمیان تعلقات کو امن کے ساتھ منظم کرنے کا واحد راستہ وفاقیت ہے۔"
انہوں نے نشاندہی کی کہ "کثیر فرقہ پر مشتمل معاشرے کے معاملات کو مرکزی ریاست کے ذریعے نہیں چلایا جا سکتا۔" انہوں نے "الشرق الاوسط" کو بیان دیتے ہوئے نشاندہی کی کہ "لبنان میں 100 سال سے زیادہ عرصہ پہلے قائم ہونے والی مرکزی ریاست کی تاریخ جنگوں سے بھری پڑی ہے جس میں صرف ایک نازک جنگ بندی کا عرصہ آیا جو شدید اختلافات کے سبب زیادہ دیر تک قائم نہ رہ سکی۔" انہوں نے کہا کہ "فرقہ بندیوں میں شخصیات اور تاریخ کے مطالعے ہوتے ہیں جو سالوں اور دہائیوں میں ختم نہیں ہو سکتے۔"(...)
پیر 13 محرم الحرام 1445 ہجری - 31 جولائی 2023ء شمارہ نمبر [16316]
