شام کے مشرقی علاقے، جہاں بین الاقوامی اتحادی افواج اور امریکی افواج تعینات ہیں، کی میدانی صورتحال کے بارے میں ریاست ہائے متحدہ امریکہ کے جلد ہی فیصلہ کن ارادے سے متعلق لیک ہونے والی خبروں کے درمیان شامی میڈیا نے اطلاع دی ہے کہ دیر الزور کے شمال مغربی دیہی علاقوں سے الحسکہ تک دیر الزور ریلوے کی باقیات اور ڈھانچے (بوگیوں) کو ختم کر دیا گیا ہے۔ یہ بات ریلوے یونین آفس کے سابق سربراہ ابراہیم الشاہین کے نقل کی گئی ہے، جنہوں نے شامی نیوز ویب سائٹس کو بتایا کہ: "ریلوے لائن اور اس کے سازوسامان کے ساتھ جو کچھ ہوا یہ کوئی پہلا واقعہ نہیں ہے، اس سے پہلے جب ریلوے لائن کو البوکمال شہر تک بڑھایا جانا تھا تو بھی ریلوے کا سامان چوری ہو گیا تھا۔"
قابل ذکر بات یہ ہے کہ یہ ریلوے لائن اس توسیعی منصوبے کا حصہ تھی، جسے ایران شام، عراق، ایران اور وسطی ایشیائی ممالک کو آپس میں جوڑنے کے لیے بنا رہا ہے اور وہ اس منصوبے کو اپنی علاقائی پوزیشن کو محفوظ بنانے کے لیے اپنی اسٹریٹجک پالیسی کا حصہ قرار دیتا ہے۔ 2014 میں ایران کا عراق کے ساتھ ریلوے کو ترقی دینے پر اتفاق کے اعلان کے بعد سے اسے بڑے چیلنجوں کا سامنا ہے، اور اس میں شمالی عراق اور مشرقی شام کے بڑے علاقوں پر تنظیم "داعش" کے قبضے اور سیکیورٹی صورتحال نے ان منصوبوں کو معطل کرنے میں اہم کردار ادا کیا۔(...)
پیر-05 صفر 1445ہجری، 21 اگست 2023، شمارہ نمبر[16337]
