کل جمعرات کے روز شمالی عراق میں ترکی سے منسوب ڈرون حملے میں کردستان ورکرز پارٹی (PKK) کے 4 افراد ہلاک ہوگئے ہیں۔ سرکاری ذرائع کے مطابق ایک ہی دن میں اپنی نوعیت کے دوسرے حملے میں کل ہلاکتوں کی تعداد 7 ہو چکی ہے۔
کردستان میں انسداد دہشت گردی کے ادارے نے کہا ہے کہ "ترک فوج کے ڈرون طیارے نے جمعرات کے روز اربیل گورنریٹ کے علاقے سیدکان میں میرجامیر پہاڑیوں کے ایک گاؤں پر بمباری کی... جس کے نتیجے میں کردستان ورکرز پارٹی کے دو رہنما اور پارٹی کی ریسکیو ٹیم کے دیگر 2 افراد ہلاک ہو گئے ہیں۔
جب کہ ادارے نے اس سے قبل اعلان کیا تھا کہ جمعرات کی صبح اسی طرح کے ایک حملے میں کردستان ووکر پارٹی کی کار کو نشانہ بناتے ہوئے بمباری کی گئی جس میں پارٹی کے تین افراد مارے گئے تھے۔
جمعہ-09 صفر 1445ہجری، 25 اگست 2023، شمارہ نمبر[16341]
