سنہ 1982 میں آج ہی کے دن فلسطینی رہنما یاسر عرفات بیروت سے، جسے اسرائیلی فوج نے گھیر لیا تھا، ایک بحری جہاز پر سوار ہوئے جو انہیں ایک نئی جلا وطنی پر تیونس لے گیا۔ اس سے آزادئ فلسطین تحریک کو اسرائیل کے ساتھ رابطہ لائن کا آخری مقام چھوڑنا پڑا جس کے نقصان کے اثرات فلسطینوں اور لبنانیوں پر پڑے۔
جب اسرائیلی فوج نے بیروت پر اپنے محاصرے کا حکم دیا تو عرفات نے علاقائی اور بین الاقوامی موقف اور طاقت کے توازن کے واضح ہونے کا انتظار کرتے ہوئے 6 ماہ تک لڑنے کا خفیہ فیصلہ کیا۔ لیکن عرفات کو "سب سے طویل عرب اسرائیل جنگ" کے 88 دنوں کے بعد ہی جلا وطنی پر مجبور کر دیا گیا۔
فلسطینی مزاحمت اور اس کے لبنانی قومی تحریک کے اتحادیوں کو سوویت یونین کی طرف سے بڑی مایوسی ہوئی جب ماسکو نے سنگین انتباہ جاری کیا اور لبنان کے ساحل پر جنگی بحری جہاز یا زخمیوں کو لے جانے کے لیے بحری جہاز بھیجنے سے انکار کر دیا۔ جب کہ ان کی مایوسی میں مزید اضافہ اس وقت ہوا جب سوویت یونین کے سفیر الیگزینڈر سولداتوف نے فلسطینی رہنما یاسر عرفات سے بیروت چھوڑنے کا مطالبہ کیا، اگرچہ یہ "امریکی ٹینکوں کی پشت پر ہی کیوں نہ ہو۔" اس طرح، بیروت سے فلسطینی مزاحمت کا خاتمہ واضح ہوگیا جس کی اطلاع لبنانی وزیر اعظم شفیق الوزان نے امریکی ایلچی فلپ حبیب کو دی۔(...)
بدھ-14صفر 1445ہجری، 30 اگست 2023، شمارہ نمبر[16346]
