سوڈانی خودمختاری کونسل کے سربراہ لیفٹیننٹ جنرل عبدالفتاح البرہان نے فوج کے موقف کے لیے بیرونی حمایت کے حصول کے ليے قطر کے دورہ اور اس کے امیر شیخ تمیم بن حمد آل ثانی کے ساتھ اپنی ملاقات کے موقع پر بیان دیتے ہوئے کہا کہ وہ عنقريب "ریپڈ سپورٹ" فورسز کی بغاوت کو ختم کر دیں گے اور "سوڈانی عوام امن و استحکام سے لطف اندوز ہوں گے"۔
البرہان نے وضاحت کی کہ سوڈانیوں کے مصائب کو روکنے اور حالات کو معمول پر لانے کی کوششیں جاری ہیں۔ انہوں نے مزید کہا کہ "موجودہ مرحلہ جنگ کو روکنے کا ہے اور اس کے بعد ہم دوسرے معاملات پر بات کر سکیں گے۔"
انہوں نے اپنی گفتگو کو جاری رکھتے ہوئے کہا: "ہم مسلح افواج سوڈانی عوام کو یقین دلاتے ہیں کہ ہم اس بغاوت کو ختم کرنے کے بعد عبوری مرحلے اور جمہوری سویلین حکمرانی کی طرف منتقلی کے کاموں کو مکمل کرنا جاری رکھیں گے۔"
دوسری جانب، قطر کے امیر شیخ تمیم بن حمد آل ثانی نے سوڈان میں لڑائی کو روکنے اور اختلافات پر قابو پانے کے لیے مذاکرات اور پرامن طریقے اپنانے کے لیے اپنے ملک کے موقف کی توثیق کی۔ انہوں نے خاص طور پر موجودہ نازک حالات کی روشنی میں سوڈان میں امن و استحکام کی کوششوں کے لیے قطر کی حمایت کی یقین دہانی کی۔(...)
جمعہ-23 صفر 1445ہجری، 08 ستمبر 2023، شمارہ نمبر[16355]
