ریاض صنعاء کے وفد کو یمنی امن مذاکرات مکمل کرنے کی دعوت دے رہا ہے

سفیر آل جابر گزشتہ اپریل میں صنعاء کے دورے کے دوران (الشرق الاوسط)
سفیر آل جابر گزشتہ اپریل میں صنعاء کے دورے کے دوران (الشرق الاوسط)
TT

ریاض صنعاء کے وفد کو یمنی امن مذاکرات مکمل کرنے کی دعوت دے رہا ہے

سفیر آل جابر گزشتہ اپریل میں صنعاء کے دورے کے دوران (الشرق الاوسط)
سفیر آل جابر گزشتہ اپریل میں صنعاء کے دورے کے دوران (الشرق الاوسط)

ریاض نے صنعاء کے ایک وفد کو دعوت دی ہے کہ وہ مارچ 2021 میں اعلان کردہ سعودی اقدام کی بنیاد پر باہمی ملاقاتوں اور تبادلہ خیال کو مکمل کرنے کے لئے اس کا دورہ کرے۔

یہ دعوت یمن میں ایک مستقل اور جامع جنگ بندی اور پائیدار سیاسی حل، جو تمام یمنی فریقوں کے لیے قابل قبول ہو، تک پہنچنے کے لیے سعودی عرب اور سلطنت عمان کی کوششوں کے تسلسل کے ضمن میں سامنے آئی ہے۔

یہ دعوت یمن میں مملکت کے سفیر محمد آل جابر کی سربراہی میں سعودی فریق کی طرف سے 8 سے 13 اپریل کے دوران صنعاء میں سلطنت عمان کی شرکت کے ساتھ ہونے والی ملاقاتوں اور بات چیت کے تسلسل کے طور پر سامنے آئی ہے۔

سفیر آل جابر نے تصدیق کی کہ ان کے دورہ صنعا کا مقصد جنگ بندی کو مستحکم کرنا، قیدیوں کے تبادلے کے عمل کی حمایت کرنا اور یمن میں ایک جامع و پائیدار سیاسی حل تک پہنچنے کے لیے یمنی اجزاء کے درمیان بات چیت کی راہوں پر تبادلہ خیال کرنا ہے۔

انہوں نے کہا کہ سعودی حکومت اور عوام کئی دہائیوں سے جاری یمن کے بدترین سیاسی و اقتصادی حالات اور بحرانوں میں 2011 سے اپنے یمنی بھائیوں کی جانب سے سلامتی، استحکام اور اقتصادی خوشحالی کی بحالی اور عوام کی امنگوں کے حصول کے لیے کی جانے والی کوششوں میں ان کے ساتھ کھڑے ہیں۔

جمعہ-30 صفر 1445ہجری، 15 ستمبر 2023، شمارہ نمبر[16362]

 



غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]