عربي English Türkçe اردو فارسى
Logo
تازہ ترین
خبريں عرب دنیا

سعودی وزیر خارجہ نے البرہان سے سوڈان کی تازہ ترین صورتحال پر تبادلہ خیال کیا

سعودی وزیر خارجہ نے البرہان سے سوڈان کی تازہ ترین صورتحال پر تبادلہ خیال کیا
TT
TT

سعودی وزیر خارجہ نے البرہان سے سوڈان کی تازہ ترین صورتحال پر تبادلہ خیال کیا

سعودی وزیر خارجہ نے البرہان سے سوڈان کی تازہ ترین صورتحال پر تبادلہ خیال کیا

سعودی وزیر خارجہ شہزادہ فیصل بن فرحان نے آج نیویارک شہر میں اقوام متحدہ کی جنرل اسمبلی کے 78ویں اجلاس کے موقع پر سوڈان کی عبوری خود مختاری کونسل کے چیئرمین لیفٹیننٹ جنرل عبدالفتاح البرہان سے ملاقات کی۔

ملاقات میں سوڈان کی تازہ ترین صورتحال پر تبادلہ خیال کیا گیا۔ اور سعودی وزیر خارجہ نے تمام سوڈانی فریقوں پر زور دیا کہ وہ انسانی ہمدردی کے کاموں کی بحالی، عوام اور امدادی کارکنوں کی حفاظت اور بنیادی امداد کی فراہمی کے لیے انسانی ہمدردی کی بنیاد پر راہداریوں کی حفاظت کو یقینی بنائیں۔

علاوہ ازیں بن فرحان نے مملکت سعودیہ کی جانب سے پرامن رہنے اور سیاسی مذاکرات میں شامل ہونے کے مطالبے کی تجدید کی، جو کہ جاری بحران کے حل کی ضمانت ہے اور سوڈان اور اس کے عوام کی سلامتی و استحکام کو بحال کرتا ہے۔

جمعہ-07 ربیع الاول 1445ہجری، 22 ستمبر 2023، شمارہ نمبر[16369]

 

عنوانات
السعودية السودان

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل