عربي English Türkçe اردو فارسى
Logo
تازہ ترین
خبريں عرب دنیا

شام کی کراسنگ بار بار اثر و رسوخ کے تنازعات کو جنم دے رہی ہے

ترکی اور گورنریٹ ادلب کے درمیان جلفاجوز کراسنگ (باب الھوا) ... اور حالیہ وقت میں اقوام متحدہ کی انسانی امداد کے داخلے کے لیے کھلا ہوا دروازہ
ترکی اور گورنریٹ ادلب کے درمیان جلفاجوز کراسنگ (باب الھوا) ... اور حالیہ وقت میں اقوام متحدہ کی انسانی امداد کے داخلے کے لیے کھلا ہوا دروازہ
TT
TT

شام کی کراسنگ بار بار اثر و رسوخ کے تنازعات کو جنم دے رہی ہے

ترکی اور گورنریٹ ادلب کے درمیان جلفاجوز کراسنگ (باب الھوا) ... اور حالیہ وقت میں اقوام متحدہ کی انسانی امداد کے داخلے کے لیے کھلا ہوا دروازہ
ترکی اور گورنریٹ ادلب کے درمیان جلفاجوز کراسنگ (باب الھوا) ... اور حالیہ وقت میں اقوام متحدہ کی انسانی امداد کے داخلے کے لیے کھلا ہوا دروازہ

"سیرین لبریشن فرنٹ" کا "الحمران" کراسنگ کو کنٹرول کرنے کی کوششوں کے سبب شام میں بار بار اثر و رسوخ کی خاطر جنم لینے والے تنازعات کی جانب توجہ مبذول ہوئی ہے۔

خیال رہے کہ منبج میں سیرین ڈیموکریٹک فورسز (SDF) کی "منبج ملٹری کونسل" کے زیر کنٹرول علاقوں اور حلب کے مشرقی مضافاتی علاقے جرابلس شہر میں ترکی کی حمایت یافتہ نام نہاد "سیرین نیشنل آرمی" کے زیر کنٹرول علاقوں کو جوڑنے والی اسٹریٹجک کراسنگ کو "سیرین لبریشن فرنٹ" کنٹرول کرنے کی کوشش جاری رکھے ہوئے ہے۔

ترکی کی حمایت یافتہ "سلطان مراد" ڈویژن اور "سیرین لبریشن" کے اتحادی دھڑے "احرار عولان" کے درمیان شمالی اور مشرقی حلب میں کئی محوروں پر جھڑپیں پھوٹ پڑیں، جو کہ "سیرین لبریشن" اور محمد رمی المعروف "ابو حیدر مسکنہ" کی قیادت میں "گرینڈ بلاک" گروپ کے درمیان اسی طرح کی جھڑپوں کے بعد ہے۔ محمد رمی ترکی کی حمایت یافتہ "سیرین نیشنل آرمی" کی سیکنڈ ونگ کے ایک لیڈر ہیں، جس کا "الحمران" کراسنگ پر کنٹرول ہے۔ (...)

جمعہ-14 ربیع الاول 1445ہجری، 29 ستمبر 2023، شمارہ نمبر[16376]

عنوانات
سوريا

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل