فلسطینی ٹیلیویژن نے کل منگل کے روز بتایا کہ القدس (یروشلم) کے سلوان محلے میں اسرائیلی فوج کی گولیوں سے دو فلسطینی شہید ہو گئے ہیں۔
فلسطینی خبر رساں ایجنسی نے کہا کہ اسرائیلی پولیس نے دونوں نوجوانوں پر سیدھی گولی چلائی، جس سے وہ زخمی ہو گئے اور "انہیں علاج کی اجازت نہ دیئے جانے کے سبب ان سے خون بہہتا رہا" یہاں تک کہ وہ مر گئے۔ ایجنسی نے مزید کہا کہ اسرائیلی فورسز نے راس العامود نامی محلے پر بھی دھاوا بولا، جہاں شہریوں اور ان کے گھروں پر گولیاں اور آنسو گیس کے گولے برسائے، جس سے تصادم شروع ہو گیا۔
فلسطینی وزارت صحت نے اس سے قبل کل کہا کہ مغربی کنارے کے علاقے جنین میں اسرائیلی فوج کی فائرنگ سے دیگر دو فلسطینی ہلاک کر دیئے گئے ہیں۔ وزارت نے ٹیلی گرام پر مزید کہا کہ مرنے والوں میں (25 سالہ) احمد محمد مطفی سباعتہ اور (21 سالہ) محمود محمد محمود سباعتہ شامل ہیں۔
بدھ-26 ربیع الاول 1445ہجری، 11 اکتوبر 2023، شمارہ نمبر[16388]
