غزہ کی پٹی میں وزارت صحت کے ترجمان نے کہا ہے کہ پٹی میں اب بھی ہزاروں لاشیں ملبے تلے دبی ہوئی ہیں جن تک ابھی نہیں پہنچ پائے ہیں۔
وزارت صحت کے ترجمان اشرف القدرہ نے ٹیلی ویژن پر بیان دیتے ہوئے کہا کہ جبالیا کیمپ پر اسرائیلی بمباری کا شکار ہونے والے متاثرین کو ملبے سے نکالنے کے لیے ٹیمیں ابھی بھی کام کر رہی ہیں۔
قبل ازیں آج ہی القدرہ نے یہ کہا تھا کہ 7 اکتوبر سے غزہ کی پٹی پر اسرائیلی حملوں میں مرنے والوں کی تعداد بڑھ کر 8,525 ہو چکی ہے، اور ان میں 3,542 بچے بھی شامل ہیں۔
انہوں نے ایک پریس کانفرنس میں مزید کہا کہ حملوں میں 57 صحت کے اداروں کو نشانہ بنایا گیا جب کہ نشانہ بنائے جانے اور ایندھن کو داخل نہ ہونے دینے کے نتیجے میں 15 ہسپتال اور 32 صحت کے مراکز نے اپنی خدمات بند کر دی ہیں۔
غزہ میں وزارت داخلہ نے کہا تھا کہ جبالیا کیمپ پر اسرائیلی بمباری کے نتیجے میں ہلاک اور زخمی ہونے والے متاثرین کی ابتدائی تعداد تقریباً 400 کے قریب ہوگی، جن میں زیادہ تر خواتین اور بچے شامل ہیں، لیکن فلسطینی ٹیلی ویژن نے بتایا کہ بمباری میں تقریباً 100 افراد ہلاک جب کہ درجنوں زخمی ہوئے ہیں۔
دریں اثناء تحریک "حماس" نے اطلاع دی ہے کہ جبالیا کیمپ پر بمباری کے نتیجے میں 400 سے زائد افراد ہلاک ہوئے ہیں جب کہ سینکڑوں لاشیں اور زندہ لوگ ملبے تلے دبے ہوئے ہیں۔
بدھ-17 ربیع الثاني 1445ہجری، 01 نومبر 2023، شمارہ نمبر[16409]
