مقامی فلسطینی ذرائع نے اطلاع دی ہے کہ جمعرات کے روز اسرائیلی فورسز نے القدس (یروشلم) کے قصبے الطور کے "المقاصد" ہسپتال پر دھاوا بولنے کے بعد غزہ کی پٹی سے 11 مریضوں اور ایک کو مغربی کنارے سے گرفتار کر لیا ہے۔
فلسطینی پریس ایجنسی "صفا" نے عینی شاہدین سے نقل کیا کہ "اسرائیلی فورسز نے المقاصد ہسپتال کا محاصرہ کر کے مختلف شعبہ جات پر چھاپے مارے اور اس دوران مریضوں اور ان کے ساتھیوں کو گرفتار کر کے مردوں کے ہاتھوں میں لوہے کی ہتھکڑیاں ڈال کر مقبوضہ المقدس کے صلاح الدین پولیس اسٹیشن لے گئی۔
"صفا" ایجنسی کے مطابق، اسرائیلی پولیس نے ایک بیان میں کہا کہ انہوں نے ہسپتال کے ڈپٹی ڈائریکٹر کو تحقیقات کے لیے طلب کیا ہے اور غزہ سے چار مرد مریضوں کو اور پانچویں کو مغربی کنارے سے گرفتار کیا ہے، جب کہ 7 خواتین کو غزہ سے گرفتار کیا گیا ہے۔
جرمن خبر رساں ایجنسی کے مطابق، اسرائیلی پولیس نے ایک ویڈیو کلپ نشر کیا ہے جس میں دکھایا گیا ہے کہ کس طرح مریضوں کے پاس مقبوضہ علاقوں میں داخلے کے اجازت نامے نہ ہونے کے بہانے انہیں المقاصد ہسپتال سے گرفتار کیا گیا۔
جمعہ -19ربیع الثاني 1445ہجری، 03 نومبر 2023، شمارہ نمبر[16411]
