"ریڈ کراس" کی بین الاقوامی کمیٹی نے کہا ہے کہ منگل کے روز غزہ شہر میں انسانی امداد کے قافلے پر فائزنگ کی گئی، لیکن وہ "الشفا" ہسپتال میں طبی سامان پہنچانے میں کامیاب رہا۔
خبر رساں ادارے "روئٹرز" کے مطابق، فائرنگ سے دو ٹرکوں کو نقصان پہنچا، جبکہ ایک ڈرائیور معمولی زخمی ہوا۔
کمیٹی نے کہا کہ اس قافلے میں ان کے 5 ٹرک اور دو گاڑیاں شامل تھیں اور جب فائرنگ کی گئی تو وہ "فلسطینی (ریڈ کراس) سوسائٹی کے (القدس) ہسپتال سمیت دیگر صحت کے مراکز کے لیے جان بچانے والا طبی سامان لے کر جا رہے تھے۔"
کمیٹی نے فائرنگ کا جہت کا تعین نہیں کیا۔
کمیٹی نے کہا کہ حادثے کے بعد قافلے نے اپنا راستہ بدل کر طبی سامان "الشفا" ہسپتال پہنچایا۔ کمیٹی نے مزید کہا کہ اس کے بعد قافلہ 6 ایمبولینسوں کے ساتھ شدید زخمیوں کو غزہ سے مصر جانے والی رفح کراسنگ پر لے گیا۔
غزہ میں بین الاقوامی ریڈ کراس کمیٹی کے ذیلی وفد کے سربراہ ولیم شومبرگ نے کہا: "یہ حالات امدادی کارکنوں کے کام کے لیے سازگار نہیں ہیں... طبی سہولیات تک اہم امداد کے پہنچنے کو یقینی بنانا بین الاقوامی انسانی قانون کے تحت ایک قانونی ذمہ داری ہے۔"
جنیوا میں قائم ایک غیر جانبدار تنظیم "ریڈ کراس" کی بین الاقوامی کمیٹی بیماروں اور آزاد کیے گئے یرغمالیوں کو غزہ سے باہر لے جاتی ہے۔
بدھ-24 ربیع الثاني 1445ہجری، 08 نومبر 2023، شمارہ نمبر[16416]
