ہم نے 5 دن کے لیے جنگ بندی کا مطالبہ کیا ہے اور ہم 70 بچوں اور خواتین کو رہا کرنے کے لیے تیار ہیں: "القسام"

"القسام بریگیڈز" کے ترجمان ابو عبیدہ
"القسام بریگیڈز" کے ترجمان ابو عبیدہ
TT

ہم نے 5 دن کے لیے جنگ بندی کا مطالبہ کیا ہے اور ہم 70 بچوں اور خواتین کو رہا کرنے کے لیے تیار ہیں: "القسام"

"القسام بریگیڈز" کے ترجمان ابو عبیدہ
"القسام بریگیڈز" کے ترجمان ابو عبیدہ

فلسطینی تحریک "حماس" کی مسلح ونگ "القسام بریگیڈز" نے کہا کہ انہوں نے قطری ثالثوں کو آگاہ کر دیا ہے کہ وہ غزہ میں زیر حراست 50 سے 70 بچوں اور خواتین کی رہائی کے لیے تیار ہیں۔

"القسام بریگیڈز" کے ترجمان ابو عبیدہ نے مزید کہا کہ ان کی تحریک نے اسرائیلی جیلوں میں قید 200 فلسطینی بچوں اور 75 خواتین کی رہائی اور اس کے علاوہ 5 روزہ جنگ بندی کا مطالبہ کیا ہے، جس میں فائر بندی اور غزہ کی پٹی میں ہر جگہ امدادی سامان کے داخلے کی اجازت بھی شامل ہے۔ انہوں نے نشاندہی کی کہ اسرائیلی فریق ان شرائط کو ماننے میں تاخیر کر رہا ہے، چنانچہ وہی غزہ میں قید افراد کی زندگیوں کا ذمہ دار ہوگا۔

ابو عبیدہ نے تصدیق کی کہ ان کی تحریک کے جنگجوؤں نے شمالی غزہ کی پٹی کے کئی علاقوں میں ہونے والی لڑائیوں کے دوران ٹینکوں اور بکتر بند گاڑیوں سمیت 20 اسرائیلی گاڑیوں کو تباہ کر دیا ہے۔

"القسام بریگیڈز" کے ترجمان نے اسرائیلی بمباری کے دوران ایک گرفتار اسرائیلی فوجی خاتون فاؤل عزائی مارک اسیانی کی ہلاکت کا اعلان کرتے ہوئے اس خاتون قیدی کا ویڈیو کلپ نشر کیا، اور نشاندہی کی کہ وہ رواں ماہ نومبر کی 9 تاریخ کو اسرائیلی بمباری کے نتیجے میں ہلاک ہوگئی تھیں۔

ابو عبیدہ نے اس سے قبل ایک ویڈیو بیان میں اسرائیلی بمباری کے نتیجے میں غزہ میں تقریباً 60 زیر حراست افراد کی ہلاکت کا اعلان کیا تھا، اور نشاندہی کی تھی کہ ان میں سے کچھ کی لاشیں اب بھی ملبے تلے دبی ہوئی ہیں جو کہ شدید بمباری جاری ہونے کی وجہ سے نکالی نہیں جا سکیں۔

منگل-30 ربیع الثاني 1445ہجری، 14 نومبر 2023، شمارہ نمبر[16422]



غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]