سوڈان میں دارفور ٹریک کے جوبا معاہدے پر دستخط کرنے والی مسلح تحریکوں نے غیر جانبداری کے خاتمے اور تمام محاذوں پر فوجی کاروائیوں میں شرکت کرنے کا اعلان کیا اور "ریپڈ سپورٹ" فورسز کی خلاف ورزیوں کی شدید مذمت کرتے ہوئے انہیں "ملک و قوم کی خلاف عداوت پر مبنی طرز عمل اورزندہ رہنے کے حق سمیت انسانیت کے خلاف جرائم قرار دیا۔"
علاوہ ازیں، انہوں نے سوڈان کی وحدت کے ساتھ جڑے رہنے کا اعلان کرتے ہوئے کہا کہ وہ "سوڈان کو ختم کرنے کے لیے جاری حالیہ ایجنڈے کو ہرگز پورا نہیں ہونے دیں گے۔" مسلح جدوجہد کی تحریکوں کی طرف سے جاری کردہ ایک بیان، جسے پورٹ سوڈان میں ایک پریس کانفرنس میں پڑھا گیا، میں کہا گیا کہ وہ سوڈان کو ختم کرنے کی اجازت نہیں دیں گے اور نہ ہی دارفور کو سوڈان کو ختم کرنے کا گیٹ وے بننے دیں گے۔ انہوں نے "غیر ملکی حلقوں کی مدد لے کر سوڈان کو ٹکڑے کرنے اور سوڈانی ریاست کے کھنڈرات پر آزاد ریاستیں قائم کرنے کی کوشش کرنے والی قوتوں کو خبردار کیا۔"
بیان میں چاڈ سے مطالبہ کیا گیا کہ وہ ریپڈ سپورٹ فورسز کی حمایت اور انہیں امدادی سامان کی فراہمی بند کرے، اپنی سرحدوں، فضائی حدود، ہوائی اڈوں اور زمینی راستوں کو کھولے۔ بیان میں عالمی اور علاقائی برادری سے مطالبہ کیا گیا ہے کہ وہ جنگ کو روکنے اور سوڈان کی وحدت اور خودمختاری کے تحفظ کے لیے واضح موقف اپنائیں، جیسے افریقی یونین نے حالیہ وقت میں دارفور میں ہونے والی خلاف ورزیوں اور "نسل کشی کے جرائم" کو ختم کرنے کا مطالبہ کیا ہے۔(...)
جمعہ-03 جمادى الأولى 1445ہجری، 17 نومبر 2023، شمارہ نمبر[16425]
