دنیا میں رہنے والے شامی تارکین وطن نے کل جمعرات کے روز صدر بشار الاسد کی طرف سے جاری اس حکم نامے پر تنقید کی ہے جس میں 16 نومبر سے پہلے ہونے والے جرائم پر عام معافی دینے کا اعلان کیا گیا ہے، جس میں لوگوں کی ہلاکت کا باعث بننے اور ہتھیاروں کی اسمگلنگ جیسے جرائم میں ملوث افراد کو مستثنیٰ قرار دیا گیا ہے۔
مبصرین نے نشاندہی کی کہ یہ حکمنامہ ایسے وقت میں جاری کیا گیا ہے کہ جب بین الاقوامی عدالت انصاف نے شام سے مطالبہ کیا ہے کہ وہ تشدد کے طریقوں اور قیدیوں کے ساتھ وحشیانہ سلوک کے خلاف "فوری طور پر" کارروائی کرے، اور شام کو پابند کیا ہے کہ وہ اس بات کو یقینی بنائے کہ تشدد کا کوئی ثبوت ضائع نہ ہونے پائے۔
زیر حراست افراد کی دفاعی کمیٹی کے رکن اور سیریئن سینٹر فار لیگل اسٹڈیز اینڈ ریسرچ کے رکن وکیل میشال شماس کا کہنا ہے کہ حکم نامے میں سب سے اہم نکتہ یہ ہے کہ اس میں 2012 کے دہشت گردی کے قانون نمبر 19 کے ملزمان کو (عوامی مظاہروں کے بعد) مستثنیٰ کر دیا گیا ہے۔
انہوں نے نشاندہی کی کہ زیر حراست تمام افراد نہیں تو اان میں سے کثریت ایسی ہے کہ جنہیں شامی حکومت کی مخالفت کی بنیاد پر دہشت گردی کے الزام میں قید کیا گیا تھا تاکہ عام معافی کا کوئی حکم ان پر اثر انداز نہ ہو سکے۔(...)
جمعہ-03 جمادى الأولى 1445ہجری، 17 نومبر 2023، شمارہ نمبر[16425]
