عربي English Türkçe اردو فارسى
Logo
تازہ ترین
خبريں عرب دنیا

"عراقی پارلیمنٹ" نئے اسپیکر کے انتخاب کے لیے بدھ کے روز اجلاس منعقد کرے گی

الحلبوسی کی سربراہی میں "عراقی پارلیمنٹ" کی تصویر
الحلبوسی کی سربراہی میں "عراقی پارلیمنٹ" کی تصویر
TT
TT

"عراقی پارلیمنٹ" نئے اسپیکر کے انتخاب کے لیے بدھ کے روز اجلاس منعقد کرے گی

الحلبوسی کی سربراہی میں "عراقی پارلیمنٹ" کی تصویر
الحلبوسی کی سربراہی میں "عراقی پارلیمنٹ" کی تصویر

عراقی خبر رساں ایجنسی نے کل پیر کے روز اطلاع دی ہے کہ ایوان نمائندگان آئندہ بدھ کے روز پارلیمنٹ کے نئے اسپیکر کے انتخاب سے متعلق ایک اجلاس منعقد کرے گا۔

ایجنسی نے پارلیمنٹ کے بیان کو نقل کرتے ہوئے کہا کہ آئندہ بدھ کے اجلاس میں ایوان نمائندگان کے اسپیکر کے انتخاب کے لیے نامزدگیوں کا آغاز ہوگا اور آزاد ہائی الیکٹورل کمیشن کے قانون میں ترمیم سے متعلق مجوزہ قانون پر ووٹنگ کی جائے گی۔

خیال رہے کہ گزشتہ ہفتے عراق میں وفاقی سپریم کورٹ نے ایوان نمائندگان کے اسپیکر محمد الحلبوسی کے خلاف جعلسازی کے الزام پر ان کی رکنیت ختم کر دی گئی تھی۔

منگل-07 جمادى الأولى 1445ہجری، 21 نومبر 2023، شمارہ نمبر[16429]

عنوانات
العراق

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل