عراقی وزارت دفاع نے کل پیر کے روز اعلان کیا کہ شمال مشرقی عراق کے حلیوہ ہوائی اڈے سے اڑان بھرنے والا ایک طیارہ تکنیکی خرابی کے باعث حادثے کا شکار ہوگیا جس میں ایک آفسر ہلاک اور دوسرا زخمی ہو گیا ہے۔
وزارت کے اپنے بیان میں کہا کہ "گورنریٹس میں بلدیاتی انتخابات میں سیکیورٹی پلان کی حمایت اور تعاون کا فریضہ سرانجام" دیتے ہوئے یہ طیارہ ہوائی اڈے سے اڑان بھرنے کے بعد تکنیکی خرابی کے باعث گر کر تباہ ہو گیا۔
عرب عالمی خبر رساں ایجنسی کی رپورٹ کے مطابق، بیان میں وضاحت کی گئی ہے کہ (کرنل کا عہدہ رکھنے والا) پائلٹ مروان جلال ہلاک اور پائلٹ کیپٹن علاء سلمان زخمی ہو گئے جس پر انہیں ہسپتال منتقل کر دیا گیا۔
خیال رہے کہ کل پیر کی صبح عراقی بلدیاتی انتخابات سخت حفاظتی اقدامات کے ساتھ شروع ہوئے، جس میں 39 اتحادوں، 29 جماعتوں اور 5,906 امیدواروں نے 15 گورنریٹس میں 275 مقامی کونسلوں کی نشستوں کے لیے مقابلہ کیا، جن میں آئین کے مطابق کوٹہ سسٹم کے تحت 70 نشستیں خواتین کے لیے مخصوص ہیں۔
منگل-06 جمادى الآخر 1445ہجری، 19 دسمبر 2023، شمارہ نمبر[16457]
