کل بدھ کے روز لبنان کی "قومی خبر رساں ایجنسی" نے اطلاع دی کہ اسرائیلی حملے میں ملک کے جنوب میں بیت لیف نامی قصبے میں ایک گھر کو نشانہ بنائے جانے کے دوران ایک شخص ہلاک ہو گیا ہے۔
خیال رہے کہ گزشتہ دو روز کے دوران اسرائیلی فوج نے جنوبی لبنان میں گھروں اور رہائشی عمارتوں کو نشانہ بنانے کا دائرہ بڑھا دیا ہے، کیونکہ اس کا کہنا ہے کہ "حزب اللہ" کے ارکان یہاں موجود ہیں۔
سردی کی لہروں میں اضافے اور روزانہ کی بنیاد پر اسرائیلی بمباری کے سبب صور کے علاقے اور سرحدی دیہاتوں سے بے گھر ہونے والوں کے حالات مزید ابتر ہوتے جا رہے ہیں کیونکہ وہ امداد کی کمی کا شکار ہیں۔
پرسوں لبنانی "حزب اللہ" نے کہا تھا کہ اس کے دو ارکان اسرائیل کی سرحد کے قریب جنوبی لبنان میں مارے گئے ہیں۔
"حزب اللہ" نے اپنے "ٹیلی گرام" اکاؤنٹ پر کہا کہ ہلاک ہونے والے ان دو افراد کا تعلق جنوبی لبنان کے قصبوں شبعا اور عیترون سے تھا۔ (...)
جمعرات-20 رجب 1445ہجری، یکم فروری 2024، شمارہ نمبر[16501]
