اتوار کے روز یونانی حکام نے بتایا کہ شمال مشرقی یونان کے ساحلی شہر الیگزینڈروپولس کے قریب آگ لگاتار دوسرے روز بھی پھیلتی جا رہی ہے جب کہ 12 ڈگری "بیفورٹ" اسکیل پر ہواؤں کی شدت 7 ڈگری ریکارڈ کی گئی ہے۔
شہری تحفظ کے وزیر واسیلیز کیکیلیاس نے کہا: "فائر فائٹرز، رضاکار، فوج، پولیس اور مقامی حکام الیگزینڈروپولیس میں لگی آگ پر قابو پانے کے لیے مسلسل دوسرے روز بھی سخت کوششیں کر رہے ہیں۔"
وزیر نے متنبہ کیا کہ "پیر کے روز آگ کے خطرات کی پیشین گوئیوں کے سبب ایبویا، اٹیکا، بوئٹیا، ارگولیس اور کورنتھ کے جزیروں کو ہائی الرٹ کر دیا گیا ہے،" اور ان سے "الرٹ رہنے" کا مطالبہ کیا گیا ہے۔
حکام کے مطابق، فائر فائٹرز نے گزشتہ 24 گھنٹوں کے دوران 53 جنگلوں میں لگی آگ پر قابو پالیا ہے۔
اسی ذریعہ کے مطابق ان میں سے سب سے بڑی آگ موناستیراکی اور ڈوریکو کی جانب لوتروس گاؤں میں جنوب مشرقی جانب لگی تھی۔
فائر فائٹرز آگ کو ڈوریکو کے قریب جانوروں کی دیکھ بھال کے مرکز تک پہنچنے سے روکنے کی کوشش کر رہے ہیں، جیسا کہ ایک ترجمان یانس آرٹوپیوس نے "اوپن ٹی وی" کو بتایا۔ جب کہ کل کئی ایک دیہات کو بھی خالی کرا لیا گیا ہے۔ (...)
پیر-05 صفر 1445ہجری، 21 اگست 2023، شمارہ نمبر[16337]
