گزشتہ روز خادم حرمین شریفین شاہ سلمان بن عبدالعزیز نے عمان کے سلطان ہیثم بن طارق، قطر کے امیر شیخ تمیم بن حمد آل ثانی اور شام کے صدر بشار الاسد کو رواں ماہ مئی کی 19 تاریخ کو سعودی عرب میں منعقد ہونے والے عرب سربراہوں کے 32 ویں عمومی اجلاس میں شرکت کی دعوت دی۔
خادم حرمین شریفین کا عمان کے سلطان کے نام تحریری پیغام سلطنت عمان میں مملکت سعودیہ کے سفیر اسد بن طارق آل سید نے عمان کے نائب وزیر اعظم برائے بین الاقوامی تعلقات اور تعاون کے امور اور عمان کے سلطان کے خصوصی نمائندے کو گذشتہ روز ان کے دفتر میں اپنے خیرمقدم کے دوران پہنچایا استقبالیہ کے دوران پہنچایا۔ جب کہ اس دوران دونوں ممالک کے درمیان دو طرفہ تعلقات، ان کی حمایت اور اس کے فروغ کی راہوں کا جائزہ لیا۔
جب کہ قطر کے امیر شیخ تمیم بن حمد نے دوحہ میں سعودی سفیر شہزادہ منصور بن خالد بن فرحان کا امیری دیوان میں خیر مقدم کیے جانے کے دوران ان سے تحریری پیغام وصول کیا۔ اور استقبالیہ کے دوران انہوں نے دونوں ممالک کے درمیان تعلقات اور ان کی ترقی کی راہوں کا جائزہ لیا۔
اسی طرح شام کے صدر بشار الاسد نے عرب سربراہی اجلاس میں شرکت کی دعوت اردن میں مملکت سعودیہ کے سفیر نایف السدیری سے دارالحکومت دمشق میں ملاقات کے دوران وصول کی۔
جمعرات - 21شوال 1444 ہجری - 11 مئی 2023ء شمارہ نمبر [16235]
