سعودی عرب کے ولی عہد و وزیر اعظم شہزادہ محمد بن سلمان بن عبدالعزیز نے بدھ کے روز جدہ میں ترکمانستان کے صدر سردار بیردی محمدوف، قازقستان کے صدر قاسم جومارت توکایف، تاجکستان کے صدر امام علی رحمان، کرغزستان کے صدر صادیر جباروف اور ازبکستان کے صدر شوکت میرزایوف کے ساتھ دو طرفہ ملاقاتیں کیں۔
یہ ملاقاتیں وسطی ایشیائی ممالک کے ساتھ خلیجی سربراہی اجلاس کے موقع پر ہوئی، جہاں ملاقاتوں کے دوران سعودی عرب اور پانچوں وسطی ایشائی ممالک میں سے ہر ایک کے درمیان تعلقات کے مختلف پہلوؤں کا جائزہ لیا گیا۔ علاوہ ازیں تعاون کے امکانات اور مختلف شعبوں میں اسے ترقی دینے اور بڑھانے کے راہوں کا بھی جائزہ لیا گیا۔
ان دو طرفہ ملاقاتوں میں سعودی وزیر داخلہ شہزادہ عبدالعزیز بن سعود بن نائف بن عبدالعزیز، وزیر دفاع شہزادہ خالد بن سلمان بن عبدالعزیز، وزیر خارجہ شہزادہ فیصل بن فرحان، وزیر مملکت و رکن وزراء کونسل اور قومی سلامتی کے مشیر ڈاکٹر مساعد العیبان، وزیر تجارت ڈاکٹر ماجد القصبی اور وزیر سرمایہ کاری انجینئر خالد الفالح نے شرکت کی۔
جمعرات 02 محرم الحرام 1445ہجری - 20 جولائی 2023ء شمارہ نمبر [16305]
