سعودی عرب کے ولی عہد و وزیراعظم شہزادہ محمد بن سلمان نے ایرانی صدر ابراہیم رئیسی کا ٹیلی فونک رابطہ وصول کیا۔
رابطے کے دوران، انہوں نے غزہ اور اس کے اطراف میں موجودہ فوجی کشیدگی پر تبادلہ خیال کیا۔
ولی عہد نے کال کے دوران تصدیق کی کہ جاری کشیدگی کو روکنے کے لیے مملکت سعودیہ تمام علاقائی و بین الاقوامی اطراف کے ساتھ بات چیت کے لیے ممکنہ کوششیں کر رہی ہے۔ انہوں نے شہریوں کو کسی بھی طرح سے نشانہ بنانے اور معصوم جانیں لینے کی کاروائیوں کو مملکت کی جانب سے مسترد کیا اور غزہ کی پٹی میں انسانی صورتحال کی سنگینی اور شہریوں کی جانوں کے ضائع ہونے پر گہری تشویش کا اظہار کرتے ہوئے زور دیا کہ بین الاقوامی انسانی قوانین کے اصولوں کو مدنظر رکھنے کی ضرورت ہے۔
ولی عہد نے فلسطینی عوام کو ان کے جائز حقوق تک رسائی کی ضمانت دینے اور جامع و منصفانہ امن کے حصول کے لیے کی جانے والی کوششوں کی حمایت کے لیے مملکت کے مضبوط موقف پر زور دیا۔
جمعرات-27 ربیع الاول 1445ہجری، 12 اکتوبر 2023، شمارہ نمبر[16389]
