سعودی وزیر دفاع شہزادہ خالد بن سلمان بن عبدالعزیز نے کل بدھ کے روز یمنی صدارتی قیادت کونسل کے سربراہ ڈاکٹر رشاد العلیمی کے ساتھ یمن کے امور میں تازہ ترین پیش رفت اور امن عمل کی حمایت کے لیے مشترکہ کوششوں پر تبادلہ خیال کیا۔
شہزادہ خالد بن سلمان کی العلیمی اور یمنی کونسل کے ارکان کے مابین یہ ملاقات سعودی عرب کے ولی عہد اور وزیر اعظم شہزادہ محمد بن سلمان بن عبدالعزیز کی ہدایت پر ہے جس کے دوران دونوں فریق علاقائی اور بین الاقوامی سطح پر مشترکہ دلچسپی کے متعدد امور کا جائزہ لیا۔
سعودی وزیر دفاع نے مملکت کی قیادت کی جانب سے کونسل کے صدر اور اراکین کو نیک تمناؤں کا پیغام پہنچایا اور یمن کی حمایت کی یقین دہانی کی تاکہ اس کی عوام کو امن و استحکام اور خوشحالی نصیب ہو۔ انہوں نے اس بات پر زور دیا کہ ہم یمن کے ساتھ کھڑے ہیں اور اقوام متحدہ کی زیر نگرانی یمنی بحران کے خاتمے کے لیے ایک جامع اور پائیدار سیاسی حل تک رسائی کے لیے ہم یمنی اطراف کی حوصلہ افزائی کرتے ہیں تاکہ ملک میں امن و سلامتی، استحکام اور ترقی حاصل ہو۔
جمعرات-04 ربیع الثاني 1445ہجری، 19 اکتوبر 2023، شمارہ نمبر[16396]
