سعودی عرب کے ولی عہد و وزیر اعظم شہزادہ محمد بن سلمان بن عبدالعزیز نے کل جمعرات کے روز برطانوی وزیر اعظم رشی سنک کے ساتھ غزہ میں جاری عسکری کشیدگی اور اس بارے میں کی جانے والی بین الاقوامی کوششوں پر تبادلہ خیال کیا۔
سعودی ولی عہد نے ریاض میں برطانوی وزیراعظم سے ملاقات کے دوران جاری کشیدگی کو کم کرنے اور تشدد کے پھیلاؤ کو یقینی بنانے کے لیے ہر ممکن کوشش کرنے کی ضرورت پر زور دیا، تاکہ خطے اور دنیا کی سلامتی اور امن کو اس کے خطرناک اثرات سے بچایا جا سکے۔
شہزادہ محمد بن سلمان نے کہا کہ سعودی عرب غزہ میں شہریوں کو نشانہ بنانے کو ایک گھناؤنا جرم اور وحشیانہ جارحیت سمجھتا ہے۔ انہوں نے زور دیا کہ فلسطینی عوام کے جائز حقوق کے حصول کو یقینی بنانے کے لیے انہیں تحفظ فراہم کرنے، استحکام و امن کی راہوں کی بحالی کے لیے کام کرنے کی ضرورت ہے۔
جمعہ-05 ربیع الثاني 1445ہجری، 20 اکتوبر 2023، شمارہ نمبر[16397]
