سعودی وزیر دفاع شہزادہ خالد بن سلمان بن عبدالعزیز کی دارالحکومت ریاض میں منعقدہ عالمی دفاعی نمائش کے دوران اپنے برطانوی ہم منصب گرانٹ شبس کے ساتھ کل اتوار کے روز ہونے والی بات چیت میں دونوں دوست ممالک کے مابین اسٹریٹجک شراکت داری کا جائزہ لیا گیا اور نمائش میں ملنے والے مواقعوں کی تعریف کی۔
ملاقات میں دونوں نے دفاعی شعبے میں باہمی تعاون، علاقائی اور بین الاقوامی سطح پر اہم پیش رفتوں پر جائزے سمیت مشترکہ دلچسپی کے متعدد موضوعات پر تبادلہ خیال کیا۔
شہزادہ خالد بن سلمان نے اس سے قبل ریاض میں عالمی نمائش کے دوران جمہوریہ سلواکیہ کے نائب وزیراعظم اور وزیر دفاع رابرٹ کالینک سے ملاقات کی اور اس دوران دونوں ممالک کے درمیان دوستانہ تعلقات کا جائزہ لیا گیا اور دفاعی شعبوں میں تعاون کے علاوہ متعدد علاقائی اور بین الاقوامی امور پر بھی تبادلہ خیال کیا گیا۔
ان دونوں ملاقاتوں میں سعودی عرب کی جانب سے نائب وزیر دفاع شہزادہ عبدالرحمن بن محمد بن عیاف، چیف آف جنرل اسٹاف لیفٹیننٹ جنرل فیاض الرویلی، معاون وزیر دفاع انجینئر طلال العتیبی، معاون وزیر دفاع برائے انتظامی امور ڈاکٹر خالد البیاری اور وزیر دفاع کے دفتر کے ڈائریکٹر جنرل ہشام بن عبدالعزیز بن سیف نے شرکت کی۔ (...)
پیر-24 رجب 1445ہجری، 05 فروری 2024، شمارہ نمبر[16505]
