سعودی عرب کے الہلال کلب کی ٹیم کے پرتگالی کوچ جیسس نے اگلے ہفتے کے روز عرب کلبوں کے کنگ سلمان کپ کا ٹائٹل جیتنے کی خواہش کا اظہار کرتے ہوئے کہا کہ بطور کوچ یہ ان کے کیریئر کا 24 واں فائنل ہے اور وہ اسے جیتنے کے خواہشمند ہیں۔
جیسس نے پریس کانفرنس میں کہا: "ہم ٹورنامنٹ میں بہترین جارحانہ انداز میں ہیں، حالانکہ ہمارے پاس کوئی حقیقی حملہ آور کھلاڑی نہیں ہے۔" انہوں نے مزید کہا: "ہم نے تکنیکی اعتبار سے ایک اعلیٰ معیار کے کھیل کا مظاہرہ کیا اور اگرچہ نکالے جانے کے بعد یہ کام ہمارے لیے مشکل ہوگیا تھا لیکن اس کے باوجود ہم نے دو گول کیے۔"
دوسری جانب، الشباب کلب کے ہالینڈی کوچ مارسل کیزر نے پریس کانفرنس میں کہا: "تمام کھلاڑیوں نے ٹورنامنٹ میں اچھی کارکردگی کا مظاہرہ کیا اور ان پر الزام نہیں لگایا جا سکتا۔" انہوں نے مزید کہا: "آنے والے وقت میں ہم مزید اچھے کھلاڑیوں کو سائن کر کے ٹیم کو مضبوط بنائیں گے۔" انہوں نے اپنی بات جاری رکھتے ہوئے کہا،:"الہلال کے دوسرے گول نے میچ کا فیصلہ کر دیا، جب کہ ہم میچ کے پہلے دس منٹوں میں ہم ٹھیک دکھائی نہیں دے رہے تھے۔"
الہلال ٹیم نے طائف کے کنگ فہد اسپورٹس سٹی سٹیڈیم میں ہونے والی میچ میں الشباب کو (3-1) سے شکست دے کر عرب کلبوں کے کنگ سلمان کپ کے فائنل میچ کے لیے کوالیفائی کر لیا۔ اب وہ ہفتے کے روز فائنل میں طائف کے کنگ فہد اسپورٹس سٹی اسٹیڈیم میں النصر کی ٹیم کا سامنا کرے گی۔
جمعرات-23 محرم الحرام 1445ہجری، 10 اگست 2023، شمارہ نمبر[16326]
