سعودی عرب کے الہلال کلب نے جمعرات کے روز اعلان کیا کہ ہسپانوی کلب اشبیلیہ کی صفوں سے تعلق رکھنے والے مراکش کے گول کیپر یاسین بونو کے ساتھ اس کا باضابطہ معاہدہ طے پا گیا ہے۔ جب کہ یہ الہلال کلب کے پرتگالی کوچ جارج جیسس کی جانب سے اپنے کلب کی انتظامیہ کو غیر ملکی گول کیپر سے معاہدہ کرنے کی سفارش کے بعد کیا گیا ہے کیونکہ وہ دونوں، عبداللہ المعیوف اور ان کے ساتھی محمد العویس، کی پیش کردہ کارکردگی سے مطمئن نہیں تھے۔
کلب کے سوشل نیٹ ورکنگ پلیٹ فارم "X"، جو پہلے "Twitter" کے نام سے جانا جاتا تھا، پر اکاؤنٹ سے بونو کے ساتھ معاہدے کے بارے میں بتائے ہوئے ایک ویڈیو کلپ نشر کیا گیا ہے، جس کا عنوان تھا "ہمیشہ ہلال... ہمیشہ نیلا"۔
امید ہے کہ بونو آج جمعہ کی صبح سویرے سعودی عرب کے دارالحکومت ریاض پہنچیں گے تاکہ ہفتہ کے روز الفیحا کے خلاف ٹیم کے میچ سے قبل شائقین کے سامنے پیش کیا جا سکے۔
الہلال کلب کے لیے مراکش کے بین الاقوامی کھلاڑی کی خریداری کی لاگت کا تخمینہ 21 ملین یورو لگایا گیا ہے، جو کہ ہسپانوی کلب اشبیلیہ کو دی جائے تاکہ وہ کھلاڑی کے ساتھ 2025 کے موسم گرما میں ختم ہونے والے معاہدے کے باقی دو سیزن سے دستبردار ہو جائے۔ 32 سالہ گول کیپر بونو کو الہلال کلب کی جانب سے جو سالانہ تنخواہ ملے گی اس کا تخمینہ 12 ملین یورو لگایا گیا ہے۔ جب کہ بونو قطر ورلڈ کپ 2022 میں اٹلس لائنز ٹیم کے ساتھ اپنی شاندار کارکردگی کے بعد شہرت کی بلندیوں پر پہنچے، اس کے ساتھ ساتھ اندلس کے کلب کے ساتھ ان کی مسلسل محنت رنگ لائی اور وپ ان آپشنز میں سے ایک بن گئے کہ ریال میڈرڈ نے اس موسم گرما میں ان کے ساتھ معاہدہ کرنے کا ارادہ کیا تاکہ انجری کے سبب اپنے گول کیپر تھیباؤٹ کورٹوئس کی عدم موجودگی کی تلافی ان سے کی جا سکے، لیکن المرینگی نے ہسپانوی گول کیپر کیپا کے ساتھ معاہدہ ہونے کا اعلان کر دیا۔ (...)
جمعہ-02 صفر 1445ہجری، 18 اگست 2023، شمارہ نمبر[16334]
