مراکش جس کا اسپورٹس کا یہ سال ایک غیر مستحکم انداز میں گزرا، لیکن اس کا اختتام نہایت ہی بہتر انداز میں ہوا کہ جب بدھ کے روز 2030 فیفا ورلڈ کپ کے انعقاد کے لیے اسپین اور پرتگال کے ساتھ مراکش کو مشترکہ سہ فریقی بولی میں کامیاب ہونے کا اعلان کیا گیا۔
پچھلے مہینے مراکش کو صوبے الحوز میں آنے والے تباہ کن زلزلے نے پزاروں جانیں لے لیں، جس سے ملک بھر میں دکھ لی لہر پھیل گئی۔ جب کہ 10 ماہ قبل جب مراکش کی قومی ٹیم نے قظر میں ہونے والے ورلڈ کپ میں اسپین اور پرتگال کو ہرا کر چوتھی پوزیشن حاصل کر کے سب کو حیران کر دیا تھا، کیونکہ ورلڈ کپ میں کسی افریقی ٹیم کا اب تک کا یہ بہترین نتیجہ تھا جس پر ملک بھر میں اس منفرد کامیابی کا جشن منایا گیا تھا۔
مزے کی بات یہ ہے کہ اب تین ممالک مل کر ورلڈ کپ کی میزبانی کریں گے جو کہ اب تک کا سب سے عجیب ایڈیشن ہوگا۔ یہ پہلی بار ہے کہ ورلڈ کپ ایک براعظم سے شروع ہو گا اور دیگر دو براعظموں میں ختم ہو گا، کیونکہ یوراگوئے، ارجنٹائن اور پیراگوئے پہلے ورلڈ کپ کے آغاز کی 100 ویں سالگرہ منانے کے لیے پہلے 3 میچوں کی میزبانی کریں گے۔
اس کے بعد، پچھلی 4 کوششوں کے بعد اپنا خواب پورا کرنے میں کامیاب ہونے والے مراکش کے ساتھ ساتھ جزیرہ نما آئبیرین میں مقابلوں کا آغاز ہو جائے گا، جیسا کہ اپنی پہلی دو کوششوں میں مراکش کی فائل 1994 میں ریاست ہائے متحدہ امریکہ کے سامنے شکست کھا گئی اور پھر 4 سال بعد فرانس کے سامنے مات کھا گئی۔(...)
جمعہ-21 ربیع الاول 1445ہجری، 06 اکتوبر 2023، شمارہ نمبر[16383]
