دنیا بھر میں فٹ بال کے تمام شائقین کی نظریں سعودی عرب کی جانب ہیں، جیسا کہ جدہ کلبوں کے فٹبال ورلڈ کپ کے 20ویں ایڈیشن کی میزبانی کرے گا۔
یہ ٹورنامنٹ 12 سے 22 دسمبر تک کھیلا جائے گا جس میں 7 ٹیمیں شرکت کریں گی، نئے نظام کے اطلاق سے پہلے پرانے نظام کے تحت یہ آخری ٹورنامنٹ ہوگا، جدید نظام کے نفاذ کا آغاز اگلے ایڈیشن سے ہوگا جو 2025 میں ریاست ہائے متحدہ امریکہ میں منعقد کیا جائے گا۔
شیڈول کے مطابق، ٹورنامنٹ میں حصہ لینے والوں کی تعداد کو بڑھا کر 7 کلبوں کی بجائے 32 ٹیموں کو شامل کیا جائے گا اور یہ مقابلہ سالانہ کے بجائے ہر 4 سال بعد منعقد کیا جائے گا۔
موجودہ نظام کے مطابق، کلب ورلڈ کپ میزبان ملک کے نمائندے کے علاوہ چھ براعظموں (یورپ، افریقہ، ایشیا، شمالی امریکہ، جنوبی امریکہ، اور اوقیانوس) کے چیمپئن کلبوں کی شرکت کے ساتھ منعقد کیا جاتا ہے۔ اگرچہ ٹورنامنٹ کے گزشتہ 19 ایڈیشنز میں ایک سے زائد عرب ٹیموں کی شرکت رہی اور اپنی شاندار کارکردگی کے باوجود یہ فٹبال کے ورلڈ کپ میں فائنل میچ تک پہنچنے کے خواب تک ہی رُکے رہے۔
عرب دنیا میں شائقین کا خواب ہے کہ مصر کی الاہلی یا سعودی عرب کی الاتحاد، جو کہ ورلڈ کپ کے اس ایڈیشن میں عرب فٹ بال کی نمائندگی کر رہی ہیں، سرپرائز دینے اور ٹائٹل جیتنے میں کامیاب ہوں۔ (...)
پیر-27 جمادى الأول 1444 ہجری، 12 دسمبر 2023، شمارہ نمبر[16449]
