جرمن فٹ بال کے "بادشاہ" اور لیجنڈ کھلاڑی فرانز بیکن باؤر گزشتہ روز 78 برس کی عمر میں انتقال کر گئے۔ "عرب ورلڈ نیوز ایجنسی" کے مطابق، جرمن لیگ نے "X" پلیٹ فارم پر لکھا: "ایسوسی ایشن فیملی کو فرانز بیکن باؤر کی موت کے بارے میں جان کر افسوس ہوا وہ ایک حقیقی آئیکن تھے اور رہیں گے۔"
ایسوسی ایشن نے مزید کہا: "ہمیں عالمی فٹ بال لیجنڈ کے کھو جانے پر افسوس ہے۔ "فرانز بیکن باؤر آپ پرسکوں رہیں۔"
بیکن باؤر 1974 میں بطور کھلاڑی اور 1990 میں بطور کوچ مغربی جرمنی کے ساتھ ورلڈ کپ جیتنے میں کامیاب ہوئے، اس طرح وہ 3 روز قبل 92 سال کی عمر میں انتقال کر جانے والے برازیل کے ماریو زگالو کے بعد یہ کارنامہ سرانجام دینے والے دوسری شخصیت بن گئے۔
بیکن باؤر نے 1972 کی یورپی چیمپیئن شپ بھی جیتی، دو بار "گولڈن فٹبال" جیتا، یورپین چیمپئنز لیگ کے 3 ٹائٹل جیتے اور 4 بار جرمن لیگ کا ٹائٹل جیتا۔
لیجنڈ کھلاڑی کے انتقال پر افسوس اور تعزیتی پیغامات کا سلسلہ جاری رہا، جیسا کہ بائرن میونخ کے اسٹرائیکر، تھامس مولر نے "X" پلیٹ فارم پر لکھا: "افسوس ہے کہ ہم نے بایرن کی تاریخ کے عظیم ترین کھلاڑیوں میں سے ایک کو کھو دیا ہے۔" انگلش پریمیئر لیگ نے کہا: "باؤر خوبصورت اور چھا جانے والی شخصیت تھی، ہم انہیں ہمیشہ یاد رکھیں گے۔" بارسلونا کلب نے "X" پلیٹ فارم پر لکھا: "ان پر سلامتی ہو۔"
منگل-27 جمادى الآخر 1445ہجری، 09 جنوری 2024، شمارہ نمبر[16478]
