سعودی عرب اور شام نے اقتصادی تعاون کی راہوں کو دوبارہ کھولنے اور باہمی تجارتی و سرمایہ کاری کی سرگرمیوں کو دوبارہ شروع کرنے پر اتفاق کیا ہے، علاوہ ازیں سرمایہ کاروں کو مملکت سعودیہ اور شام میں سرمایہ کاری کے دستیاب مواقعوں سے فائدہ اٹھانے اور دونوں ممالک کے درمیان تجارتی توازن بڑھانے کے لیے اقتصادی فورمز کے قیام پر اتفاق کیا گیا۔ جب کہ یہ سب شام کا عرب ممالک کے ساتھ تعلقات کی بحالی کے وقت میں ہے۔جب کہ دونوں ممالک کے مابین یہ اتفاق، ریاض میں منعقدہ عرب چینی بزنس کانفرنس کے موقع پر سعودی چیمبرز یونین کے صدر حسن بن معجب الحویزی کی شام کے چیمبرز آف کامرس کے صدر محمد ابو الہدی اللحام اور ان کے ہمراہ آنے والے وفد سے ملاقات کے دوران طے پایا۔شامی وفد کے ارکان نے شام اور اس کے عوام کے بارے میں مملکت سعودیہ کے مؤقف کی تعریف کی، مملکت سعودیہ کی طرف سے دیکھنے میں آنے والی عظیم ترقی اور شام کے کاروباری شعبے کی سعودی مارکیٹ میں داخل ہونے اور مختلف اقتصادی شعبوں میں سرمایہ کاری کرنے کی خواہش کا اظہار کیا گیا۔دونوں ممالک کے نمائندوں نے زور دیا کہ باہمی تجارتی وفود کے دوروں کے تبادلے، دونوں ممالک میں سرمایہ کاری کے دستیاب مواقعوں کو سرمایہ کاروں کے قابل بنانے اور باہمی اقتصادی تعاون کی راہ کو آگے بڑھانے کے لیے اقتصادی فورمز کے قیام کی ضرورت ہے۔
منگل-24 ذوالقعدہ 1444 ہجری، 13جون 2023، شمارہ نمبر (16268)
