سعودی پبلک انویسٹمنٹ فنڈ نے سعودی ٹورازم انوسٹمنٹ کمپنی (اسفار) کے قیام کا اعلان کیا ہے، جو 2030 تک 100 ملین سیاحوں کے ہدف تک پہنچنے کے مملکت کے وژن میں معاون ثابت ہوگی۔
خودمختار فنڈ کا مقصد نئی کمپنی کے ذریعے مقامی سیاحت کے شعبے کی صلاحیتوں کو بڑھانا، مملکت کے مختلف علاقوں میں سیاحت کے منصوبوں کے قیام میں سرمایہ کاری کرنا اور اس کے علاوہ مہمان نوازی، تفریح اور خوراک کے شعبوں میں پرکشش مقامات کو ترقی دینا ہے۔
منصوبے کے مطابق نئی کمپنی مشترکہ سرمایہ کاری کے ذریعے نجی شعبے کو بااختیار بنائے گی، ٹھیکیداروں اور سپلائرز کے لیے مواقع پیدا کرے گی اور چھوٹے اور درمیانے درجے کی کمپنیوں کو پروجیکٹوں کے ذریعے سیاحتی مقامات کی ترقی میں حصہ ڈالنے کے لیے شامل کرے گی۔
کمپنی مملکت کے مختلف علاقے میں اپنا کام کرے گی، جس کا مقصد سیاحت کے تجربات میں تنوع اور افزودگی پیدا کرنا اور مملکت کے اندر اور باہر کے سیاحوں کو اپنی طرف متوجہ کرنا ہے۔ (...)
جمعہ 10 محرم الحرام 1445 ہجری - 28 جولائی 2023ء شمارہ نمبر [16313]
