خلیج تعاون کونسل (جی سی سی) کے سیکرٹری جنرل جاسم البدیوی نے جمعرات کے روز کہا کہ خلیج تعاون کونسل ممالک کے رہنما مشترکہ عمل کے فریم ورک میں ان کے درمیان اقتصادی انضمام کو بڑھانے کے لئے نجی شعبے پر بہت توجہ دیتے ہیں۔
انہوں نے یہ بات عمان کے شہر صلالہ میں تجارت و صنعت کے وزراء اور خلیجی ممالک کی کونسلز اور چیمبرز کے سربراہان کے درمیان مشاورتی اجلاس میں شرکت کے دوران کہی۔ البدیوی نے اشارہ کیا کہ اس اجلاس کا مقصد وزارتوں اور چیمبرز آف کامرس کے درمیان مشترکہ تعاون کو بڑھانے کی کوشش کرنا ہے تاکہ معیشتوں کی نمو میں مدد ملے۔ اس کے ساتھ ساتھ نجی شعبے کو درپیش چیلنجوں اور رکاوٹوں کو دور کرنا اور ایسے اقدامات تجویز کرنا جو اس کی خدمت کریں تاکہ خلیجی اقتصادی انضمام کو گہرا کر کے ان کے مابین اقتصادی سرگرمیوں میں اضافہ کرنے میں مدد ملے۔
انہوں نے کہا کہ تجارتی و صنعتی تعاون کمیٹیوں کے اجلاس میں زیر بحث اور جائزہ لینے والے موضوعات اور جو فیصلے کیے گئے ہیں ان کے بارے میں یونینز اور چیمبرز کی کونسلوں کے سربراہوں کو آگاہ کر دیا گیا ہے۔ جس سے یہ ظاہر ہوتا ہے کہ وہ کام کو بڑھانے، علاقائی تجارت کو فروغ دینے میں حائل رکاوٹوں کو دور کرنے اور پرائیویٹ اداروں کی حمایت میں اپنا کردار ادا کریں گے۔(...)
جمعہ-30 صفر 1445ہجری، 15 ستمبر 2023، شمارہ نمبر[16362]
