عباس ویٹیکن میں فلسطینی سفارت خانے کا افتتاح کر رہے ہیں اور پیرس کانفرنس کو امن کے لیے آخری موقع قرار دے رہے ہیں

 

رام الله: كفاح زبون – لندن: "الشرق الاوسط”

      فلسطینی صدر محمود عباس نے کہا کہ "دنیا کے مزید ممالک کی طرف سے فلسطینی ریاست کو تسلیم کرنے سے جلد امن قائم ہوگا”۔ مگر انہوں نے ویٹیکن میں فلسطینی ریاست کے سفارت خانے کے افتتاح کے دوران ایک مختصر تقریر میں امریکی سفارت خانے کی تل ابیب سے القدس منتقلی پر خبردار کیا، کیونکہ ان کے مطابق اس سے امن عمل متاثر اور ختم ہو جائے گا۔

      صدر عباس نے تقریبا 20 منٹ تک پوپ فرانسس سے ملاقات کی جنہوں نے انتہائی گرمجوشی سے ان کا استقبال کیا۔ اس دوران تحائف کا تبادلہ بھی ہوا جس میں؛ مقدس مقام کے میڈیا آفس ڈائریکٹر گریگ بورک کے مطابق عباس نے عیسائیت کے حبر الاعظم کو القدس کے القیامہ چرچ کا ایک (مقدس) پتھر پیش کیا۔

      دریں اثنا ویٹیکن نے اپنے جاری بیان میں "تشدد کے خاتمہ؛ جو کہ شہری آبادی میں ناقابل قبول درد کا باعث ہے، اور ایک منصفانہ وپائیدار حل تک پہنچنے کے لئے فریقین کے مابین براہ راست مذاکرات کی بحالی کے لیے امید کا اظہار کیا۔