میکرون کی طرف سے ایرانی خلاف ورزیوں کے خلاف اجتماعی نتائج اخذ کرنے کا مطالبہ

فرانسیسی صدر ایمانوئل میکرون کو گذشتہ روز بیجنگ کے ایک بڑے ہال میں چینی وزیر اعظم لی کی چیانگ سے ملاقات کے دوران اظہار خیال کرتے ہوئے دیکھا جا سکتا ہے
فرانسیسی صدر ایمانوئل میکرون کو گذشتہ روز بیجنگ کے ایک بڑے ہال میں چینی وزیر اعظم لی کی چیانگ سے ملاقات کے دوران اظہار خیال کرتے ہوئے دیکھا جا سکتا ہے
TT

میکرون کی طرف سے ایرانی خلاف ورزیوں کے خلاف اجتماعی نتائج اخذ کرنے کا مطالبہ

فرانسیسی صدر ایمانوئل میکرون کو گذشتہ روز بیجنگ کے ایک بڑے ہال میں چینی وزیر اعظم لی کی چیانگ سے ملاقات کے دوران اظہار خیال کرتے ہوئے دیکھا جا سکتا ہے
فرانسیسی صدر ایمانوئل میکرون کو گذشتہ روز بیجنگ کے ایک بڑے ہال میں چینی وزیر اعظم لی کی چیانگ سے ملاقات کے دوران اظہار خیال کرتے ہوئے دیکھا جا سکتا ہے
        فرانسیسی صدر ایمانوئل میکرون نے گذشتہ روز ایران پر جوہری معاہدہ سے باہر نکلنے کی منصوبہ بندی کرنے کا الزام عائد کیا ہے اور یہ بھی کہا کہ فردو نامی پلانٹ میں یورینیم کی دوبارہ افزودگی کی سرگرمیوں کے ذریعہ جوہری معاہدہ کی خلاف ورزی خطرناک اقدام ہے۔  
       میکرون نے واضح کیا کہ وہ آنے والے دنوں میں امریکی صدر ڈونالڈ ٹرمپ سمیت تمام فریقوں اور ایرانی حکام کے ساتھ بات کریں گے اور اجتماعی طور پر نتائج اخذ کرنے کا مطالبہ کریں گے۔
        میکرون نے اپنے بیجنگ دورہ کے اختتام کے وقت کہا کہ آنے والے ہفتوں میں سب کی طرف سے دباؤ ڈالا جائے گا کہ ایران کو معاہدہ کے دائرہ میں واپس لایا جائے۔
       ایرانی سرکاری ٹیلی ویژن نے کل کہا تھا کہ ایران نے بین الاقوامی جوہری توانائی ایجنسی کے تفتیش کاروں کی موجودگی میں یورینیم گیس کو سنٹری فیوجز میں پمپ کرنا شروع کردیا گیا ہے۔(۔۔۔)
جمعرات 10 ربیع الاول 1441 ہجرى - 07 نومبر 2019ء شماره نمبر [14954]


آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]