حماس کی قیادت قطر اور ترکی کے مابین منتشرhttps://urdu.aawsat.com/home/article/2171297/%D8%AD%D9%85%D8%A7%D8%B3-%DA%A9%DB%8C-%D9%82%DB%8C%D8%A7%D8%AF%D8%AA-%D9%82%D8%B7%D8%B1-%D8%A7%D9%88%D8%B1-%D8%AA%D8%B1%DA%A9%DB%8C-%DA%A9%DB%92-%D9%85%D8%A7%D8%A8%DB%8C%D9%86-%D9%85%D9%86%D8%AA%D8%B4%D8%B1
گزشتہ ہفتے ماسکو میں رہنما موسی ابو مرزوق کے ساتھ حماس پولیٹیکل بیورو کے سربراہ اسماعیل ہنیہ کو دیکھا جا سکتا ہے (اے پی اے)
لندن: «الشرق الاوسط»
TT
TT
حماس کی قیادت قطر اور ترکی کے مابین منتشر
گزشتہ ہفتے ماسکو میں رہنما موسی ابو مرزوق کے ساتھ حماس پولیٹیکل بیورو کے سربراہ اسماعیل ہنیہ کو دیکھا جا سکتا ہے (اے پی اے)
حماس تحریک کے ذرائع نے الشرق الاوسط کو بتایا ہے کہ اس کی پولیٹیکل بیورو کے سربراہ اسماعیل ہنیہ اور ان کے نائب صالح العاروری کا زیادہ تر ترکی میں رہنے کے بعد تحریک کی قیادت ترکی اور قطر کے درمیان منتشر ہوگئی ہے جبکہ دیگر افراد قطر اور لبنان میں آباد ہیں اور ان کے علاوہ ہنیہ، عاروری، زاهر جبارين، وسى ابو مرزوق اور نزار عوض الله زیادہ تر وقت ترکی میں گزارتے ہیں۔ حسام بدران، عزت الرشق، محمد نصر، سامع خاطر اور ماہر عبید قطر میں ہی قیام پذیر ہیں اور یہ لوگ کبھی کبھی لبنان بھی جاتے ہیں اور پولیٹیکل بیورو کے باقی ممبران غزہ کی پٹی میں رہتے ہیں۔(۔۔۔) پیر 14رجب المرجب 1441 ہجرى - 09 مارچ 2020ء شماره نمبر [15077]
مالی کا الجزائر پر دشمنانہ کاروائیاں کرنے اور اس کے معاملات میں مداخلت کرنے کا الزامhttps://urdu.aawsat.com/%D8%AE%D8%A8%D8%B1%D9%8A%DA%BA/4814066-%D9%85%D8%A7%D9%84%DB%8C-%DA%A9%D8%A7-%D8%A7%D9%84%D8%AC%D8%B2%D8%A7%D8%A6%D8%B1-%D9%BE%D8%B1-%D8%AF%D8%B4%D9%85%D9%86%D8%A7%D9%86%DB%81-%DA%A9%D8%A7%D8%B1%D9%88%D8%A7%D8%A6%DB%8C%D8%A7%DA%BA-%DA%A9%D8%B1%D9%86%DB%92-%D8%A7%D9%88%D8%B1-%D8%A7%D8%B3-%DA%A9%DB%92-%D9%85%D8%B9%D8%A7%D9%85%D9%84%D8%A7%D8%AA-%D9%85%DB%8C%DA%BA-%D9%85%D8%AF%D8%A7%D8%AE%D9%84%D8%AA-%DA%A9%D8%B1%D9%86%DB%92-%DA%A9%D8%A7-%D8%A7%D9%84%D8%B2%D8%A7%D9%85
مالی کا الجزائر پر دشمنانہ کاروائیاں کرنے اور اس کے معاملات میں مداخلت کرنے کا الزام
مالی کے فوجی حکمران کرنل عاصیمی گوئٹا (ایکس پلیٹ فارم پر مالی پریذیڈنسی اکاؤنٹ)
کل جمعرات کے روز افریقی ملک مالی کی حکمران عسکری کمیٹی نے الجزائر پر دشمنانہ کاروائیاں کرنے اور ملک کے اندرونی معاملات میں مداخلت کرنے کا الزام عائد کیا۔
"روئٹرز" کے مطابق، عسکری کمیٹی نے اعلان کیا ہے کہ اس نے علیحدگی پسندوں کے ساتھ 2015 کا الجزائر امن معاہدہ فوری طور پر ختم کر دیا ہے۔ الجزائر کی حکومت کے قریبی ذرائع نے اطلاع دی ہے کہ وہ باماکو کے فوجی حکمران کرنل عاصیمی گوئٹا کے روس کی ملیشیا "وگنر" کے ساتھ اتحاد سے پریشان ہے۔ گزشتہ نومبر میں مالی میں ملیشیا کی طرف سے تکنیکی اور لاجسٹک مدد سے شروع کیے گئے ایک اچانک حملے میں مالی کی افواج نے کیدال شہر پر قبضہ کر لیا تھا، جب کہ کیدال، شمال میں ایک الگ ریاست کے قیام کا مطالبہ کرنے والی مسلح اپوزیشن کا ایک اہم گڑھ شمار ہوتا ہے۔
انہی ذرائع کے مطابق، الجزائر اس پیش رفت کو مالی میں تنازعے کے دونوں فریقوں کے مابین 2015 میں اپنی سرزمین پر دستخط کیے گئے "امن معاہدے کی خلاف ورزی" شمار کرتا ہے۔ اسی طرح اپوزیشن کے شہروں پر کرنل گوئٹا کی پیش قدمی اور جدید فوجی آلات کا استعمال کرتے ہوئے اپنی فوجی مہم کے دوران اسے "ویگنر" کے زیر کنٹرول دینے کو بین الاقوامی ثالثی کی کوششوں کو کمزور کرنا شمار کرتا ہے، اور خیال رہے کہ الجزائر اس ثالثی کا سربراہ ہے۔
اس مہینے کے آغاز میں کرنل گوئٹا نے اندرونی تصفیہ کے عمل کے حوالے سے بیانات دیئے، جس سے یہ سمجھا گیا کہ وہ "امن معاہدے" اور ہر طرح کی ثالثی سے دستبردار ہو رہے ہیں۔