اسپین میں ایک ممتاز مطلوب کی گرفتاری کے بعد واپس لوٹنے والے داعش کے بارے میں یورپی خدشاتhttps://urdu.aawsat.com/home/article/2249926/%D8%A7%D8%B3%D9%BE%DB%8C%D9%86-%D9%85%DB%8C%DA%BA-%D8%A7%DB%8C%DA%A9-%D9%85%D9%85%D8%AA%D8%A7%D8%B2-%D9%85%D8%B7%D9%84%D9%88%D8%A8-%DA%A9%DB%8C-%DA%AF%D8%B1%D9%81%D8%AA%D8%A7%D8%B1%DB%8C-%DA%A9%DB%92-%D8%A8%D8%B9%D8%AF-%D9%88%D8%A7%D9%BE%D8%B3-%D9%84%D9%88%D9%B9%D9%86%DB%92-%D9%88%D8%A7%D9%84%DB%92-%D8%AF%D8%A7%D8%B9%D8%B4-%DA%A9%DB%92-%D8%A8%D8%A7%D8%B1%DB%92-%D9%85%DB%8C%DA%BA
اسپین میں ایک ممتاز مطلوب کی گرفتاری کے بعد واپس لوٹنے والے داعش کے بارے میں یورپی خدشات
پرسو روز جنوبی اسپین کے شہر مریہ میں مشتبہ افراد کی گرفتاری کے لئے (اسپین پولیس) کی طرف سے تقسیم کردہ ایک تصویر کو دیکھا جا سکتا ہے (آئی بی اے)
ہسپانوی پولیس نے پرسو روز ملک کے جنوب میں واقع مریہ شہر میں داعش کے انتہائی خطرناک دہشت گرد اور یورپ میں سب سے زیادہ مطلوب دہشت گرد شخص کو گرفتار کر لیا ہے اور اس واقعہ سے یورپ میں داعش کی واپسی کے سلسلہ میں خدشات ظاہر ہو رہے ہیں۔ سکیورٹی ذرائع نے اطلاع دی ہے کہ گرفتار شخص کا نام عبد الماجد عبد الباری ہے جو مصر کا ہے اور کچھ دن قبل مریہ شہر پہنچا ہے جہاں ہر سال اس عرصے کے دوران موسمی کارکن شمالی افریقی ممالک سے آتے ہیں۔ ذرائع کا یہ بھی کہنا ہے کہ عبد الباری یورپی انسداد دہشت گرد ادارے میں معروف ہے کیونکہ وہ اپنی سختیوں اور زیادتیوں کی وجہ ہے دیگر افراد سے ممتاز ہے اور وہ ان دو دیگر افراد کے ساتھ ایک اپارٹمنٹ میں روپوش تھا جو عدالتی حکام کے زیر تفتیش تھے۔(۔۔۔) جمعرات 30شعبان المعظم 1441 ہجرى - 23 اپریل 2020ء شماره نمبر [15122]
مالی کا الجزائر پر دشمنانہ کاروائیاں کرنے اور اس کے معاملات میں مداخلت کرنے کا الزامhttps://urdu.aawsat.com/%D8%AE%D8%A8%D8%B1%D9%8A%DA%BA/4814066-%D9%85%D8%A7%D9%84%DB%8C-%DA%A9%D8%A7-%D8%A7%D9%84%D8%AC%D8%B2%D8%A7%D8%A6%D8%B1-%D9%BE%D8%B1-%D8%AF%D8%B4%D9%85%D9%86%D8%A7%D9%86%DB%81-%DA%A9%D8%A7%D8%B1%D9%88%D8%A7%D8%A6%DB%8C%D8%A7%DA%BA-%DA%A9%D8%B1%D9%86%DB%92-%D8%A7%D9%88%D8%B1-%D8%A7%D8%B3-%DA%A9%DB%92-%D9%85%D8%B9%D8%A7%D9%85%D9%84%D8%A7%D8%AA-%D9%85%DB%8C%DA%BA-%D9%85%D8%AF%D8%A7%D8%AE%D9%84%D8%AA-%DA%A9%D8%B1%D9%86%DB%92-%DA%A9%D8%A7-%D8%A7%D9%84%D8%B2%D8%A7%D9%85
مالی کا الجزائر پر دشمنانہ کاروائیاں کرنے اور اس کے معاملات میں مداخلت کرنے کا الزام
مالی کے فوجی حکمران کرنل عاصیمی گوئٹا (ایکس پلیٹ فارم پر مالی پریذیڈنسی اکاؤنٹ)
کل جمعرات کے روز افریقی ملک مالی کی حکمران عسکری کمیٹی نے الجزائر پر دشمنانہ کاروائیاں کرنے اور ملک کے اندرونی معاملات میں مداخلت کرنے کا الزام عائد کیا۔
"روئٹرز" کے مطابق، عسکری کمیٹی نے اعلان کیا ہے کہ اس نے علیحدگی پسندوں کے ساتھ 2015 کا الجزائر امن معاہدہ فوری طور پر ختم کر دیا ہے۔ الجزائر کی حکومت کے قریبی ذرائع نے اطلاع دی ہے کہ وہ باماکو کے فوجی حکمران کرنل عاصیمی گوئٹا کے روس کی ملیشیا "وگنر" کے ساتھ اتحاد سے پریشان ہے۔ گزشتہ نومبر میں مالی میں ملیشیا کی طرف سے تکنیکی اور لاجسٹک مدد سے شروع کیے گئے ایک اچانک حملے میں مالی کی افواج نے کیدال شہر پر قبضہ کر لیا تھا، جب کہ کیدال، شمال میں ایک الگ ریاست کے قیام کا مطالبہ کرنے والی مسلح اپوزیشن کا ایک اہم گڑھ شمار ہوتا ہے۔
انہی ذرائع کے مطابق، الجزائر اس پیش رفت کو مالی میں تنازعے کے دونوں فریقوں کے مابین 2015 میں اپنی سرزمین پر دستخط کیے گئے "امن معاہدے کی خلاف ورزی" شمار کرتا ہے۔ اسی طرح اپوزیشن کے شہروں پر کرنل گوئٹا کی پیش قدمی اور جدید فوجی آلات کا استعمال کرتے ہوئے اپنی فوجی مہم کے دوران اسے "ویگنر" کے زیر کنٹرول دینے کو بین الاقوامی ثالثی کی کوششوں کو کمزور کرنا شمار کرتا ہے، اور خیال رہے کہ الجزائر اس ثالثی کا سربراہ ہے۔
اس مہینے کے آغاز میں کرنل گوئٹا نے اندرونی تصفیہ کے عمل کے حوالے سے بیانات دیئے، جس سے یہ سمجھا گیا کہ وہ "امن معاہدے" اور ہر طرح کی ثالثی سے دستبردار ہو رہے ہیں۔