ایک طرف متعدد ممالک میں "کوویڈ - 19" وائرس کی دوسری لہر وسیع پیمانے پر پھیل رہی ہے تو دوسری طرف سوڈانی سیاسی اور مذہبی رہنما صادق المہدی کے اہل خانہ نے اعلان کیا ہے کہ صادق المہدی اس وائرس سے متاثر ہوئے ہیں اور سوڈانی کابینہ نے بھی یہ اعلان کیا ہے کہ عہدیداروں اور وزراء کا ٹیسٹ ہوا ہے جن میں وزیر اعظم کے دو سینئر معاونین اور سنٹرل بینک کے ڈائریکٹر کا ٹیسٹ پازیٹیو آیا ہے جبکہ وزیر اعظم عبد اللہ ہمدوک کا نتیجہ نیگیٹیو آیا ہے۔
دریں اثنا "ورلڈ ہیلتھ آرگنائزیشن" نے موسم سرما میں "ابھرتے ہوئے کورونا وائرس" کے انفیکشن کو بڑھنے کے بارے میں متنبہ کیا ہے اور احتیاطی تدابیر پر عمل کرنے کی ضرورت پر زور دیا ہے او ساتھ ہی "کورونا" اور "انفلوئنزا" وائرس سے ہونے والے انفیکشن سے بچنے کے لئے کہا ہے جبکہ "کوویڈ - 19" سے ہونے والی ہلاکتوں کی تعداد کم از کم دنیا میں ایک ملین اور 175 ہزار ہے اور متاثرہ افراد کی تعداد 44 ملین سے زیادہ ہے۔
مشرقی بحیرہ روم کے خطے میں ڈبلیو ایچ او کے پروگراموں کی خاتون ڈائریکٹر ڈاکٹر رانا الحجة نے بتایا ہے کہ وبائی مرض مشرقی بحیرہ روم کے خطے (22 ممالک) میں ایک خطرناک موڑ پر پہنچ گیا ہے۔(۔۔۔)
جمعہ 13 ربیع الاول 1442 ہجرى – 30 اکتوبر 2020ء شماره نمبر [15312]
