ایک طرف سعودی وزیر مملکت برائے افریقی امور احمد عبد العزیز قطان نے گزشتہ روز خرطوم میں اس بات کی تصدیق کی ہے کہ سعودی عرب عرب ممالک کی آبی تحفظ کے ساتھ مضبوطی سے کھڑا ہے اور اس نے "نہضہ ڈیم" فائل کو اس انداز سے ختم کرنے کی کوشش کا اعلان کیا ہے جس سے سوڈان، مصر اور ایتھوپیا کے حقوق مکمل طور پر مل سکیں گے اور سوڈانی وزارت خارجہ نے ایتھوپیا میں اپنے سفیر کو طلب کیا تاکہ وہ سرحدی فائلوں اور نہضہ ڈیم کی پیشرفت کے سلسلہ میں ان سے مشورہ کر سکیں۔
سعودی وزیر نے ڈیم کے بحران کے حل کرنے کے لئے خادم حرمین شریفین شاہ سلمان بن عبد العزیز کی رہنمائی میں مصری صدر عبد الفتاح السیسی اور ایتھوپیا کے وزیر اعظم آبی احمد کے ساتھ ہونے والے گزشتہ اجلاسوں کا انکشاف کیا ہے۔
قطان نے سوڈانی عبوری خودمختاری کونسل کے چیئرمین عبد الفتاح البرہا، ان کے نائب محمد حمدان دقلو اور وزیر اعظم عبد اللہ حمدوک سے ملاقات کی ہے اور ان ملاقاتوں میں سوڈان اور سعودی عرب اور دونوں ممالک کے عوام کے مابین ٹھوس دوطرفہ تعلقات کی اہمیت پر اس طرح سے زور دیا گیا کہ دونوں ممالک کی قیادت کو مشترکہ مفادات کی خدمت کے لئے ان کو آگے بڑھانا اور ترقی دینی ہوگی۔(۔۔۔)
جمعرات 07 رجب 1442 ہجرى – 18 فروری 2021ء شماره نمبر [15423]
