عربي English Türkçe اردو فارسى
Logo
تازہ ترین
خبريں

علاقائی سلامتی کو بڑھانے کے لئے چین اور سعودی عرب کی بات چیت

سعودی ولی عہد شہزادہ کو کل چینی وزیر خارجہ سے ملاقات کرتے ہوئے دیکھا جا سکتا ہے (ایس پی اے)
سعودی ولی عہد شہزادہ کو کل چینی وزیر خارجہ سے ملاقات کرتے ہوئے دیکھا جا سکتا ہے (ایس پی اے)
  • نیوم: «الشرق الأوسط»
TT
  • نیوم: «الشرق الأوسط»
TT

علاقائی سلامتی کو بڑھانے کے لئے چین اور سعودی عرب کی بات چیت

سعودی ولی عہد شہزادہ کو کل چینی وزیر خارجہ سے ملاقات کرتے ہوئے دیکھا جا سکتا ہے (ایس پی اے)
سعودی ولی عہد شہزادہ کو کل چینی وزیر خارجہ سے ملاقات کرتے ہوئے دیکھا جا سکتا ہے (ایس پی اے)
سعودی عرب کے ولی عہد شہزادہ محمد بن سلمان نے کل نیوم میں چینی وزیر خارجہ وانگ یی سے بات چیت کے لئے باضابطہ ایک اجلاس منعقد کیا ہے جس میں علاقائی اور بین الاقوامی سطح پر ہونے والی پیشرفت اور امن وسلامتی اور استحکام کو بڑھانے کے سلسلے میں کی جانے والی کوششوں کے بارے میں گفتگو ہوئی ہے اور اس کے علاوہ دونوں ممالک کے مابین دوطرفہ تعلقات اور مشترکہ مفاد کے سلسلہ میں متعدد امور کے بارے میں بھی تبادلۂ خیال ہوا ہے۔

چینی وزیر خارجہ نے العربیہ ٹی وی کو انٹرویو دینے کے دوران خطے کی سلامتی اور استحکام سے متعلق پانچ نکاتی اقدام کا انکشاف کیا ہے اور کہا ہے کہ ہم مشرق وسطی کے ممالک کے درمیان باہمی احترام کا مطالبہ کرتے ہیں اور وانگ یی نے زور دے کر کہا ہے کہ ان کا ملک مشرق وسطی کے خطے میں جوہری ہتھیاروں کے عدم پھیلاؤ پر زور دیتا ہے اور انہوں نے مزید کہا کہ خطے کے ممالک کی کوششوں کی تائید کرنا ہوگی تاکہ وہ اس بات کو یقینی بنائیں کہ وہ جوہری ہتھیاروں سے پاک ہوں۔

دوسری جانب خلیجی عرب ممالک کے تعاون کونسل کے سکریٹری جنرل ڈاکٹر نایف فلاح مبارک الحجرف نے اس بات کی تصدیق کی ہے کہ جی سی سی کے ممالک مختلف شعبوں میں اپنے اور چین کے مابین تعاون اور دوستی کے تعلقات کو بڑھانے کے خواہشمند ہیں جن سے مشترکہ مفادات کے ساتھ ساتھ دونوں فریقوں کے مابین آزادانہ تجارت کے مذاکرات کی فائل کو آگے بڑھا جا سکے۔(۔۔۔)

جمعرات 12 شعبان المعظم 1442 ہجرى – 25 مارچ 2021ء شماره نمبر [15458]

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان