گزشتہ روز فلسطین کے صدر محمود عباس کی زیر صدارت "فتح" تحریک کی مرکزی کمیٹی کا اجلاس ہوا ہے جس میں اس تحریک کی مکمل فہرست کی منظوری دی گئی ہے جو آئندہ مئی میں ہونے والے قانون ساز انتخابات میں حصہ لینے والی ہے جبکہ "حماس" نے بھی اپنی فہرست کے انتخاب کو مکمل کرلیا ہے جس سے دونوں تحریکوں کے مابین مضبوط مسابقت کی تاکید ہو رہی ہے اور اس سے قبل یہ افواہیں پھیلائی گئیں کہ وہ مشترکہ فہرست کے ساتھ انتخابات میں حصہ لے سکتے ہیں۔
"فتح" تحریک کی سنٹرل کمیٹی کے ممبر عباس ذکی نے کہا ہے کہ تحریک منگل کو مرکزی انتخابی کمیٹی کے ساتھ اپنی انتخابی فہرست کو باضابطہ طور پر رجسٹر کرے گی ار انہوں نے اس بات کی طرف بھی اشارہ کیا ہے کہ اس فہرست میں آزاد امیدوار، کاروباری اور قانونی افراد شامل ہیں اور اس میں موجودہ اور سابق عہدیداروں، موجودہ اور آزاد شدہ قیدیوں، بلدیات کے ممبروں اور اس تحریک کے اندر سکیورٹی اہلکاروں نے بھی اپنے آپ کو امیدوار بنایا ہے۔(۔۔۔)
پیر 16 شعبان المعظم 1442 ہجرى – 29 مارچ 2021ء شماره نمبر [15462]
