عربي English Türkçe اردو فارسى
Logo
تازہ ترین
خبريں

عالمی رہنماؤں نے موسمیاتی تبدیلیوں کے خلاف جنگ میں اپنے عہد وپیمان کی تصدیق کردی ہے

گزشتہ روز بائڈن کو آنلائن سربراہی اجلاس میں رہنماؤں کے سامنے گفتگو کرتے ہوئے دیکھا جا سکتا ہے (ای پی اے)
گزشتہ روز بائڈن کو آنلائن سربراہی اجلاس میں رہنماؤں کے سامنے گفتگو کرتے ہوئے دیکھا جا سکتا ہے (ای پی اے)
TT
TT

عالمی رہنماؤں نے موسمیاتی تبدیلیوں کے خلاف جنگ میں اپنے عہد وپیمان کی تصدیق کردی ہے

گزشتہ روز بائڈن کو آنلائن سربراہی اجلاس میں رہنماؤں کے سامنے گفتگو کرتے ہوئے دیکھا جا سکتا ہے (ای پی اے)
گزشتہ روز بائڈن کو آنلائن سربراہی اجلاس میں رہنماؤں کے سامنے گفتگو کرتے ہوئے دیکھا جا سکتا ہے (ای پی اے)
کل عالمی رہنماؤں نے امریکی صدر جو بائیڈن کے زیر اہتمام ایک ورچوئل سمٹ میں آب وہوا کی تبدیلی سے نمٹنے کے سلسلہ میں اپنے عزم وارادہ کی تصدیق کی ہے اور اقوام متحدہ کے سکریٹری جنرل انتونیو گٹیرس نے اسے عالمی درجۂ حرارت کا مقابلہ کرنے کے سلسلہ میں ایک موڑ قرار دیا ہے۔

خادم حرمین شریفین شاہ سلمان بن عبد العزیز نے کرۂ ارضی کے تحفظ کے لئے کی جانے والی کوششوں میں کامیابی کی خواہش کرتے ہوئے آئندہ نسلوں کے لئے ایک بہتر ماحول پیدا کرنے کے لئے موسمیاتی تبدیلیوں کا مقابلہ کرنے کے لئے تعاون کرنے کے سلسلہ میں سعودی عرب کے عزم وارادہ کی تصدیق کی ہے۔

شاہ سلمان نے سمٹ میں اپنے ملک کے وفد کی صدارت کے دوران ایک تقریر میں مزید کہا ہے کہ  ہم نے (مملکت کے وژن 2030) کے مطابق قومی ماحولیاتی حکمت عملی اور صاف توانائی منصوبوں جیسی چند حکمت عملی اور قانون سازی کا آغاز کیا ہے اور ان سب کا مقصد 2030 تک ملک کی ضروریات کی پیداواری صلاحیت (50 فیصد) تک پہنچنا ہے۔(۔۔۔)

جمعہ 11 رمضان المبارک 1442 ہجرى – 23 اپریل 2021ء شماره نمبر [15487]

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان